|
3 أمور ( لا ) تفعلها لنوبات الهلع
السلام عليكم
صباحكم خير جميعا
في ثلاث امور مهمه تدرب عليها انك لا تفعلها ابدا خصوصا اذا كنت مصاب بالهلع
1- لا تقاومها ابدا إذا جتك، وانا اكرر عليها كثير لا تقاومها نهائيا... وعلى كثر ما تقاوم نوبة الهلع على كثر ما تزيد ولا تروح بسرعه ( فرق بين نوبات الهلع والقلق )
2- لا تراقب جسمك ابدا لما تحدث لك والتغيرات الي تصير بابنوبه،، ربنا سبحانه وتعالى خلق جسمنا انه يتغير مع النوبه ولا يمكن ابدا ابدا وأأكد على ابدا انه يجيه شي من نوبات الهلع لانه مصمم انه ينتجها اصلا ولو حسيت قلبك بيطلع برى صدرك عادي ما رح يصير شي ابدا ف لا تراقب جسمك ابدا.
3- لا تخاف من نوبة الهلع انها تجيك،، اصلا الخوف من النوبه انها تجي هي سبب تكرارها دايم ولو رحت مثلا لمكان وانت قاصد انها تجيك بتخيب ظنك ولا بتجيك ( افهم هالخدعه )
كل المذكور فوق من شأنه انه يخلي النوبه تروح بسرعه ولا تطول معاك نقعد نتلوى ونتبطح ونراقب التنفس والقلب وهالبلاوي ونخاف اكثر وتزيد النوبه،، عاد شوف متى تخلص هههههههههههه.
ولو حبيت تتدرب على نوبات الهلع، استقدمها عشان تقدر تسيطر على نفسك وفي طريقتين للاستقدام المتعمد ولكن حط ببالك شغلتين
1- الطريقتين تنفع فقط لمضطربين القلق امثالنا
2- ممنوع على مرضى القلب والضغط والسكري عملها ابدا ( ممنوع )
الطريقه الاولى، اجلس على طرف السرير او كرسي واعمل طريقة جلسة ركاب الطائره عند الهبوط الاضطراري وخلك على هالوضع دقيقه ثم وقف بشكل مفاجئ ( هذي طبعا تسببلك دوخه بسبب الضغط لكنها سليمه لا تخاف ) ورح تجيك النوبه على طول
الطريقه الثانيه، دور حول نفسك كأنك تبي تدوخ كنا نسويها واحنا بزران لمدة دقيقه ثم وقف ورح تجيك النوبه على طول
ولما تجي النوبه تدرب عليها
وان شاء الله الكل يشفا من هالمرض وانا بعد ههههههههههه
|