نفساني - عرض مشاركة واحدة

26-12-2015, 03:50 PM

"العين والحسد".. هواجس متزايده !!

السلام عليكم ..

بصراحة هالموضوع من زمان في بالي وحبيت أكتبه هنا ..

ليش إذا الشخص جاه وجع راس قالوا له أكيد جتك عين قويه ؟

ليش إذا البنت راحت للعرس وبعدها تعبت من كثر ماهي واقفه عالمنصة قالت لها امها أكيد فلانة عطتك عين !!!

صار كل شيء بحياتنا مرتبط بالعين !!

الطفل من يطيح على وجهه قالوا هذا عين !

الولد عاطل ماكمل دراستة وداج بالشوارع والإستراحات قالوا هذا به عين قوية وتناسوا إنه هو السبب !!

الكاسات طاحن وإنكسرن قالوا عين !!

اللمبات خربن وصار لهن سنوات مااحد غيرهن قالوا عين لأنهن أصليات من زمان ماخربن !!!!!!

الاب توب جاه فيروس وطفى قالوا عين لانه احسن من حق اخوي !!

حاجات تافهه تصير معنا نربطها بالعين !!

حتى الأطفال صاروا مثلنا ويقولون عين !!

انا اعلم علم اليقين بأن العين حق وامرنا الرسول صلى الله عليه وسلم أن نحمي أنفسنا من الحسد بالأذكار الشرعية ...

لكن من المؤسف ان نربط فشل إنسان هو السبب باللي حصل له ونقول إنه محسود !!

الحين صرت وين ماأروح أسمع كلمة عين !!

آخرتها أمس إنكسر الكعب واللي بجمببي قالت لي عين !!:
وقبل زكمت قالت لي صديقتي عين (:؟؟؟؟؟؟؟؟

ادري ان العين إصابتها وتأثيرها حق بأمر الله عز وجل ادري وردت ب الأحاديث وكذا

بس سؤالي ليه نربط كل شي يصير ب العين!!!

إيش رأيكم ؟؟

المصدر: نفساني