|
أمور قد تفيدك قبل حدوث نوبة الهلع
السلام عليكم
اتمنى الجميع يكون بخير وصحه.
موضوعنا اليوم عن نوبة القلق الي تسبق نوبة الهلع. في امور الشخص لازم يسويها في حالة بدا يشعر بقرب نوبة الهلع. طبعا انا اقصد نوبة الهلع الي تسبق نوبة القلق ( الي طبعا نغذيها بأفكارنا ) ولا اقصد نوبة الهلع الفجائيه. اغلبنا اعتقد بدت نوبات الهلع الفجائية تخف وصارت نوبات الهلع الي بعدها من افكارنا او قلقنا وهذا طبيعي جدا. طبعا تذكر، اذا وصلت ( حبيبة الملايين ) الي هي نوبة الهلع ف هنا خلاص انسا كل شي واستناها تروح فقط. لكن قبل ما تحصل، في علامات نشعر فيها ( ما زلت اتكلم عن النوبه الي نغذيها وليس الفجائية ). نحس بدوخه قوية وغثيان شنيع ممكن نعرق شوي وهنا نعرف انها بتجي،، ولكل شخص علامات يعرف ان النوبه رح تجي وهنا في امور نقدر نسويها عشان نحاول نتحاشاها ،، اما اذا جت ف جيم اوفر على ما قالو ههههههههههههه
طيب كيف ممكن نصرفها؟؟ في امور كثير طبعا لكن بحط بعض الامور الي ممكن نسويها وتنفع لما يصير وقتها قريب.
1- اذا حسيت انها بتجيك ( ولنفرض انك كنت مثلا بمطعم ) علة طول اترك مكانك واطلع برى وشم هوا وطمن نفسك وتغيير المكان جدا مهم وقتها بتهدا ان شاء الله،،، لكن !!!!!! تذكر لما تهدى ترجع لمكانك الي كنت فيه ولا عقلك الباطن يسجله مكان خطر وتصير تجيك نوبات هلع فجائية بالمكان هذا وتضطر تتجنبه.... وهذي احد الخدع
2- شغله سخيفه لكنها مفيده، اذا حسيت في النوبه قريت طالع بساعة الجدار، وراقب عقرب الثواني ...... تنفع معاي مرات مدري ليش ههههههههههههه يمكن انها تشتت انتباهي الله اعلم
3- افتح لعبة بجوالك والعب فيها مرات تنفع
4- شغله تفيد جدا لكن ما ادري اذا بتصلح معاكم،، اذا القلق عندي بأقوى شي واحس نوبة الهلع بتجي لا محاله،، اروح اخذ دش واخلي الدش يصب وانا تحته واحس بارتخاء صراحه... المشكله شتويه هالحين عاد الله يعين على العطس والزكام
5- شغله شوي غبيه لكنها تنفعني مرات، اخذ صورة سلفي لنفسي واقول بشوف نفسي قبل وبعد وتجيني الضحكه صراحه ومرات ما تجي النوبه ههههههههههههههه
عاد هالامور تنفع لما النوبه بتجي وتقرب لكنها تكون متغذيه بأفكارك يعني تذكر دايم لو نوبه فجائيه ما رح تقدر تسوي شي لان وقت نوبة الهلع دايما احب اذكركم ان الحل مجرد الانتظار فقط.
الله يكتب لنا الشفاء
|