شريان القلب

بيانات اضافيه [ + ]

رقم العضوية : 37091  تاريخ التسجيل :  01 2012  أخر زيارة : 06-01-2022 (08:29 PM)  المشاركات : 124 [ + ]  التقييم :  10

لوني المفضل : Cadetblue

السلام عليكم اخت بنت علي انا والله العظيم متعاون معاكي وفاهم كلامك ومقتنع فيه
بس اسم الدواء بكرة بجبلك اياه مش حافظ اسمه بالزبط بالعكس انا بتفهم كلامك بالنسبة اني باني حياتي وشخصيتي على الاوهام يعني احلامي وتفكيري على هالهلاوس
اني شيء مهم واني شخصية مهمه ما كنتي تعرفي قبل سنة ونصف تقريبا كيف لما كنت اجلس مع اي احد اشعر اني شخصية مهمه وغيره مثل هيك
انا متجاوب معاكي والله بعرف انك بدك تساعديني بس عندي مشكلة خاصة جدا خوفي انو الناس شايفتني عبر الاقمار الصناعية ما بخليني اعيش حياتي طبيعية حتى مع زوجتي وانتي فاهمه ويمكن اذا زادت بتصير مشاكل ما بعرف بالتحديد انا يمكن بحكيلك يمكن ويمكن يكون سبب ثاني
بالله عليكي تساعديني اتخلص من هالافكار
انا والله العظيم عارف اني مريض ذهاني بس انتي عارفه هذا الموضوع والهلاوس معي اكثر من سنتين
ما بعرف ليش هيك بصير معي اقسملك بالله انا صريح بس انا بحكيلك عن افكاري وهلاوسي فهمهي والاصوات البراسي بكل تفاصيل افكاري عشان اطلع هاي الافكار لانها اذا بضلها براسي راح اتعذب بتفكيريوتشويش شيء مش طبيعي براسي
مصيبتي انها بتيجيني حالات لحظات بكون طبيعي ولحظاتبترجعلي الهلوسات
نفسي اطلع كل الافكار من راسي كل هاي الاصوات والهلوسات واعتقادي انو الناس بتسمع افكاري وبشوفني على الاقمار الصناعية نفسي اقتنع لو واحد بالمية انو ما في حدى شايفني . بعرف انو انا بنتكاسة بالمرض ماكنت هيك
بالله عليكي طلعيني من الانا فيه
انا بشعر انو انا مسحور خاصة في علاقتي مع زوجتي بالامور الخاصة بعدين بفهمك بس ما بعرف شو السبب بالزبط هذا شيء انا مضايق منه جدا
راح اكمل بعدين
وشكرا الك كثير وما بنسالك معروفك معي بس ان شاء الله الله يشفيني