نفساني - عرض مشاركة واحدة

31-12-2015, 01:23 PM

السلام عليكم بنت علي معلش على كثرة كتاباتي بس والله بدي اتخلص من هالهلاوس البتفكيري والضلالات
بس انا بتيجيني افكار مرات اني شيء مهم مع اني تحسنت شوي بس برجع بفكر مرة ثانية انا بحكي مع نفسي على شريط الرسائل
امس كنت ماشي بالشارع باليل كان في اعلان بتحرك شفته بتحرك مع حركات جسمي ما بعرف بعرف انها تهيئات
انا نفسي افضفض عن البفكر فيه اتحمليني على كتاباتي الشكوك العندي بتعذبني ما بعرف وين الصح
انا بفترض كل الاحتمالات يعني بلاقي حالي لحظات انو الناس بتكلمو علي ولحظات لا بلاقي حالي باوهام
انا بعرف اني بكرر كلامي بس اتحمليني انا متعاون معاكي وبثق بطبيبي واخبرني ما راح اصدق احد وبعرف انو مريض الذهان بكون جازم بعتقداته الوهمية
نفسي اعيش طبيعي ما بدي افكر انو الناس شايفيني على الاقمار الصناعية ولا بقرأو افكاري
صدقيني براسي اصوات خايف اسمعها باذني وتزيد معي للفصام وارجع وانتكس من جديد
بدي اسألك بتنصحيني اترك القناة البعمل فيها ؟ وارجع لعملي الكنت فيه ,كنت مرتاح شوي كان الهلاوس خفيفه معي
يعني بهاي اللحظات عندي شعورين شعور اني مريض وشعور اني شيء مهم
ما بعرف يعني بتذبذب مره هيك ومره هيك لو تركت افكاري بدون ما احاربها بنتكس او اني اتركها تخرج من راسي بالكتابة او اي شيء برتاح شوي
انا ما بنكر اني تحسنت شوي بس مش حاس الدواء نافعني مثل ما كنت اوخذه قبل سنة
نفسي افضفض بس خايف اكون بدي اشعر شعور المظطهد انا بتكلم عن اللان الحاضر
انا بصراحه ما قرات القران ولا الاذكار بس ان شاء الله اليوم بعمل بنصيحتك والصلاة انا بقطع بصلاتي
بحس شخصيتي ضعيفه شوي يعني الصلاة ما بصليها بالعمل م بعرف ليش يمكن اكون مستحي
مع اني كنت قبل ما اترك عملي بالقناة زمان كنت اصلي بالقناة
في امور عندي بدي ارتبها وبدي اعمل امور في حياتي مش قادر اعملها ما بحكيلك لشيء بس بدي افضفض
هيه امور تافهه بس بتغير من نفسيتي شوي
يمكن صابتني صدمات بالماضي جلعتني بهذا الوضع بس والله يا بنت علي ما كنت عارف ولا بعرف انو هيك يصير معي بهلاوس وضلالات
انا المتعب تفكيري ونفسيتي الاقمار الصناعية اتخلص منها واتخلص من الناس بقراءو افكاري عن الاقمار الصناعية بس بحل نص المشكلة
شوفي علي اانا بعرف اني مريض بالذهان بس يمكن بالاقناع اتخلص من هاي الافكار لو تكتبيلي عن مستحيل انو حدى يقراء افكاري عن طريق الاقمار الصناعية خليني ارتاح شوي
انتي متخيله انو تأقلمت بالسنتين بوضع الاقمار الصناعية بس بدي انسى هاي الافكار البراسي واتخلص منها برتاح
معلش تتحمليني بنت علي ضلك متواصله معي لحتى اخف شوي خاصه فكرة الاقمار الصناعية
انا تعرضت لصدمات بحياتي يمكن جعلتني هيك بهالوضع الانا فيه انا بحاول الاقي سبب الأنا فيه ما بعرف ليش هيك
يمكن الصدمات التعرضتلها صابني هذا الشعور والتفكير
وشكرا الك كثير على تحملك لكتابتي وانا بعرف انك بدك تساعديني
انا خايف يابنت علي بصراحه خايف اعيش الضلالات انجن ويصيبني فصام وبعرف انها ضلالات
بتعرفي وين وصل تفكيري انو حتى لو كنت شي مهم ببقى مريض بالذهان عشان الاقمار الصناعية
فهمتي شو تفكيري
لا تنزعجي من كلامي والله بس بدي اتخلص نهائيا من هاي الافكار وصدقيني راح اكون طبيعي