نفساني - عرض مشاركة واحدة

04-01-2016, 09:07 AM

هذا هو القلق ببساطه

السلام عليكم

اتمنى أن يكون الجميع بخير وكلكم مقاومين بإذن الله

اليوم موضوع بسيط وخفيف جدا وهو زبدة القلق. القلق هذا الي مسوي حياتنا نوعا ما جحيم لانه يجيب كل شي معاه وساوس وهلع واللائحه تطول.

طبعا شعاري معروف، افهم اكثر تجد الحلول.

القلق هو شي طبيعي بالانسان طبعا ( لكن بوضعنا احنا مو طبيعي عشان كذا اسمه اضطراب القلق ) لكن انا مو جاي اعطي حلول او اقول كيف تواجهه انا بس ابين زبدته عشان انت بنفسك تعرف تواجهه ولهذا مثل ما اسوي دايم اخذ المعضله وافككها وانت تاخذ النتايج وترتب فيها تقنياتك الي تخليك نوعا ما تقدر تتعامل مع وضعك بأساليبك انت لان بالنهايه كل شخص له امور خاصه او امور تنفعله هو بس. يعني فكر فيها و كأنه انا اعطيك المقادير وانت بكيفك اطبخ الي تبي ههههههههههههههه

القلق، له تعريفات كثيره جدا ونقرا كلنا تعريفات الطب وانها حاله من الترقب وانها حاله من الخوف من المجهول و الى اخره من التعارف الي هي صحيحه لكن نبي شي احنا نفهمه لان مو فاضيين نحلل وناخذ معطيات علميه ومن هالخرابيط. لهذا انا بعطيكم زبدة القلق وانت عاد تصرف بناءا عليها.

ما هو القلق ؟

وشو ما هو،،، وخر بس تكلم زينا عشان نفهم كلنا هههههههههههه

زبدة القلق كالآتي:

حدث رح يصير قدام، او شي تتوقع انه بيصير قدام .... الحدث هذا او الشي استجابتك له يكون بشغلتين فقط

أما انك تتحمس له وتنبسط ووقتها ( رح يزيد ضربات قلبك وتحس بخفه وتحس تنفسك يزيد وهكذا )

أما انك تقلق منه ووقتها ( برضو يزسد ضربات قلبك وتحس بخفه وتحس تنفسك يزيد و هكذا)

سبحان الله كنت بقولكم عن القلق وطلعت اعراض الحماس متطابقه هههههههههه ( مقصوده ترى )

المهم، يعني الفكره موجوده وانت اما تتحمس او تقلق. يعني لو قلقت او تحمست كلها معناها ايش؟؟ شي قدام بيصير او شغله تنتظرها وهكذا

يعني انت بالحالتين علقان لـ قدام وعشان كذا انت الان حياتك مقيده لانك ببساطه علقان لقدام.

كل شي بيصير له علامات ودلالات ..... يعني مثلا لنفرض ان في بيجيك زياده بالراتب ...... رح تتحمس لما اكثر من شخص يتكلم ان انت بتاخذ زياده او ان تقييمك كان مرتفع او ان مديرك صار يبتسم كثير لك يعني في علامات تخليك تتحمس، صحيح ؟! طيب متى تقلق، لما يجي خبر انك بتاخذ زياده لكن غيرك مبسوط ومديرك صار عصبي عليك والكل يتكلم مثلا معاك بنوع من الاسف وكل هذي علامات تخليك تقلق صحيح؟!

طبعا قلقنا احنا مو زي الي فوق ابدا ولا اشبه بنفس القوه لا ، بس فكر معاي ،، هل في عندك خبر او شي بيصير؟ طيب وين العلامات؟ ممممممم وش السالفه اجل؟!

وشكرا لكم جميعا وانا بدوري قاعد اخذ هالكلام واشوف لي صرفه مع القلق وعسا عاد اطلع بنتيجه هههههههههههه

المصدر: نفساني