نفساني - عرض مشاركة واحدة

05-01-2016, 04:33 PM

ممنوع الايملات اخوي ووسائل التواصل هنا

الناس هنا كلها تبي تستفيد، والي بيشفيني باذن الله الكل بيشوفه وبيستفيدون منه ويشفون بإذن الله

اما انك تجي تخربط ي خيي لا ما يصلح

انت هنا تتكلم وكأننا لا سمح الله معرضين عن ذكر الله وهذا خطأ كبير احنا مرضى نفسيين ونحتاج الدعم ونحتاج احد يفهمنا ويساعدنا اما طريقتك خطأ كلها

لو انك جاي بطريقه النصيحه كأن تذكرنا بالامور هذي بيكون شي طيب ( فذكر إن نفعت الذكرى ) وهذا شئ طيب ويحسبلك

اما تجي بهالطريقه ف هذا شي عجيب ،انت في مكان كلنا مسلمين فيه كيف تجي تقول جربو اسبوع بس صلاة الجماعه ؟؟ هل تعتقد ان في مسلم ما يصلي صلاة الجماعه مثلا؟؟ او مسلم كوبيه يعني كوول ؟؟

ياخي انت قلت من يوم بلوغك عندك رهاب اجتماعي ، كونك كنت مكلف ولا صليت فهذي مشكله،، اما انك تحاول تعطينا دفعه معنويه عشان نشفى فجزاك الله خير لكن طريقتك غلط.. كأنك تشوفنا نشرب مويه وبعدسن تقول تدرون وش سر الحياه؟؟ اشربو مويه .... طيب احنا قاعدين نشرب مويه وش نسوي يعني !!

ثم الدواء تقول مخدر وغيره هذا وان دل انه ما طب فمك اصلا وسألتك اكثر من مره ولا فس اجابه...

يا اخوي ذكرتنا بالصلاة ربي يجزاك الخير اما انك تتاجر بالدين هذا ما يصلح وانا اعرف انه مو قصدك، لكن جد ما يصلح،، هالحين ان جاك واحد يقوم الليل ويصلي الفروض بالمسجد وفيه رهاب وش بتقوله بالله؟

هذا غير تفسير الايه الي فسرتها على كيفك بما يناسب وضعنا الرهابيين وهذا خطأ اخوي الفاضل وين الامانه بالنقل لا تتلاعب وانا جبتلك تفسيرها من بن باز تعرف ليش؟ لاننا مسلمين ونعرف الشفاء من عند رب العالمين.

كان المفروض تكتب اسم الموضوع تذكير المسلمين بأهمية الصلاة والنوافل وقتها بقبل منك ،، اما بالطريقه ذي الله يهديك اخوي

عسى ربي يوفقك ويتجاوز عنك