نفساني - عرض مشاركة واحدة

07-01-2016, 06:27 AM

السلام عليكم اخواني الاعزاء

حبيت احكي عن مشكلة ملازمتني من فترة الي هيه اهمال ديني لدرجة كبيرة قبل ما اخذ ادوية الاكتئاب كنت الحمد لله متمسك بالصلاة في المسجد اغلب الصلاوات وكنت احافظ على الاذكار وكنت اقراء قران وكانت نفسيتي جدا حلوة لما اصابني المرض تغيرت حياتي كثير بطلت اصلي في المسجد وصرت اصلي في البيت بطلت الاذكار قبل الادوية في بداية المرض رحت عن الشيوخ الي يقرون وماستفدت شي وكانو ياخذون فلوس وكرهتهم وصرت اكره المطاوعة الي يلبسون شماغ بدون عقال وثياب قصيرة كره ياساتر صرت اشكك في امور كثيرة في الدين صرت اميل الى العلمانية واوقات الالحاد بس ضليت اصلي اوقات في البيت واوقات ما اصلي صرت ادخن كثير اوقات حشيش اوقات شراب حبوب اي شي يطيح تحت يدي طبعا في فترات متقطعه تزوجت احس خفت الحالة فترة وبعدين رجع مخي يلعب فيني حتى الخيانه لا حول ولا قوة الا بالله الله يتوب علينا حياتي مخربطة حاولت وحاولت بس احس اني افشل دايم كنت بخير قبل الادوية ما انكر انها افادتني وخلتني ارجع اندمج شوي مع المجتمع بس مدمر دينين عندي اولاد واتمناء انهم يشوفون ابوهم بصورة كويسة ابغاء ابطل العلاقات وارضاء بلي ربي رزقني اياه ابغاء ارجع اتلذذ بالعبادات والقرب من الله حياتي صارت ممله ومقرفة ابغاء انظف من جواء حاولت اكثر من مرة اترك الادوية وفشلت فشل ذريع مجرد ما اتذكر النكسة واني وصلت معاه الى التفكير بالانتحار وتمني الموت اشيل من بالي اني اتركها مرة ثانية ياخوان والله معانه حاولت حاولت حاولت بس افشل (لاحول ولا قوة الا بالله) الي جرب نفس حالتي وعنده حلول عملية ياريت يفيدنا وجزاكم الله خير

المصدر: نفساني