المشاركة الأصلية كتبت بواسطة الله(وسسسوم)معي

على رأي ام البنوتات الموضوع ده كان ف بالي ومخططة اكتبه سبحان الله كلنا نفكر بنفس الطريقة ،لاني فعلا كنت حابة ننظر للجوانب الإيجابية من البلاء واللي فعلا صرت اشكر ربي عليه
امم صرت اهتم أكثر بالاذكار بشكل عام
ولله الحمد ماعاد اتفرج على المسلسلات والأفلام كثير واضيع وقتي فيها خصوصا هذه اللي تعرض مشاهد مخلة بالآداب اقول لا أريد الموت عليها
أصبحت مهتمة بصحتي أكثر زمان كان ممكن يعدي كم يوم ولا اشرب كوب ماء دحين انا والماء صديقات معاي في كل مكان وعلى أي حال لازم تكون جمبي حتى صرت اعد المقدار الموصى به للشرب وهو لترين ونص يوميا يعني 10اكواب موزعة
وكمان صرت مهتمة بالفواكه والعصائر الطبيعية والخضار وحتى المشروبات زي اليانسون والشمر زمان اسمع بها دحين صرت اشربها
زي المويا

بس الشي الوحيد اللي مفتقدته ونسيته كمان هو اكل قوالب الثلج كنت مدمنة ع ثم بقيت شبه مدمنة الآن نسيت طعمه ونسيت طعم البارد اصلا حياتي كلها حار أو دافئ
بعد الجوانب الإيجابية دي اقول يمكن لو ربي مابلاني بالهلع والقلق والوساوس كان تعبت بسبب إهمال الصحة،الوسواس خلاني اهتم بصحتي أكثر، وانا عندي احساس اننا بنرجع احسن من قبل الوسواس. الله كريم
موفق لك تحياتي

سبحان الله وبحمده سبحان الله العظيم