نفساني - عرض مشاركة واحدة

07-01-2016, 01:38 PM

السلام عليكم بنت علي . انا عندي مشكلة ليش هيك بصير معي يا بنت علي ياريت تجاوبيني على سؤالي ضروري والله
ليش عندي شعور كبير اني شي مهم بس انا فعليا عارف انو اذا صدقت هذا الشعور والافكار البراسي هوة مش شعور افكار براسي بس اذا صدقت هذا الشيء بكون مريض
خليني احكيلك بصراحة وتفاصيل افكاري انا فعليا مثلا اليوم تابعت اخبار صرت اربط والهللاوس زادت عندي انو انا شيء مهم بس انا فعليا عارف اني مريض
انا تحسنت عن اول بصراحة بطلت اربط كثير والهلاوس ايام بتزيد وايام بتخف بس في اصوات براسي بناقش فيها بحكي مع نفسي فيها مثلا انت كذاب بصير احكي انا ما بكذب بحكي مع نفسي بدون ما احرك لساني او بصير احرك لساني ..
وبصير اربط بالهلاوس يعني انت شيء مهم احكيلك وخليني افضفضلك الافكار البراسي
بس بالبداية على اساس اني بفترض انه صح واني شيء مهم مع اني انا ما بدي اكون شيء مهم طيب بنت علي
انا بدي اعيش طبيعي بدون ما حدى يشوفني على الاقمار الصناعية ولا يسمع افكاري هذه اكبر مشكلة عندي على فكرة الهلاوس بتزيد معي عشان افكاري ومعتقداتي انو الناس بتشوفني على الاقمار الصناعية فهمتي علي
بدي احكيلك كل شيء بفكر فيه ومن ايش خايف صدقيني انا بالنسبة لي اعيش طبيعي وافكر بطبيعتي اهم من اي شيء ثاني ما بدي غير هيك والله
انا مضايق من افكاري والاصوات البراسي والاقمار الصناعية هذا الانا مضايق منه
احكيلك تفاصيل افكاري كيف مثلا انا شيء مهم انا حاليا والله ما بامن بالخرافات بطلت وخفت مني كثير هذه الاشياء والحمد لله
بس ممكن اكون شيء ثاني هذا الاشيء مضايقني مثلا انت بتكذب صدقيني اذا كان الكلام صحيح يا بنت علي (معلش بس بفضفضلك عارف اني مريض حتى لو كان صحيح انا بعرف نفسي اكثر من اي واحد) في حالة اذا كان صحيح صدقيني ما بكذب انا ما كنت اعرف شيء ولا حتى صنعت شيء ما بحكيلك عشان هيك بس عشان اريح ضميري واطلع البراسي والاصوات البراسي منزعجتني كثير واقسملك بالله ما بدي شيء انا شخصيا ما بدي شيء بدي اعيش طبيعي
هذه التفاصيل الان البراسي
انا بحكيلك عن الهلاوس البراسي والضلالات فهمتي علي عرفتي كيف بنتقل من حالة لحالة مرة هيك ومرة هيك
انا حلي الوحيد اتخلص من التفاصيل وما اضل اربط برتاح فعليا وبعيش طبيعي انا كنت هيك قبل فترة يعني تقريبا 5 اشهر جلست وخفت مني هاي الامور
وكنت اشتغل موزع اعلانات وكنت مرتاح خفيت كثير
بس مشكلتي انا بعرفها شخصيتي ضعيفه انا بدي اطور من حالي واحسن من شخصيتي وازيد ثقتي بنفسي يمكن تخف مني هالامور كلها
وانا عندي نفسيه بتاثر بسرعة من اي موقف نفسيا حتى بعلاقاتي مع اهلي والحولي
انا راح اروح على مستشار معالج سلوكي عشان يفهمني على الاقل انو مافي حدى شايفني ولا بسمع افكاري
بتعرفي شغله يا بنت علي انو بسمع صوتي بالاذاعات والله وانا بالسيارة حتى بالتلفزيون لما يكون صوت خفيف غير صوت التكلم بسمع صوت افكاري خاصه لما اكون ساكت
هذا الموضوع كان زايد عندي قبل سنة بس الان خف بس لسى موجود خف نسبة 50 بالمية وان شاء الله يخف اكثر من هيك
فهمتي شو التفاصيل المضايقتني هاي الامور ما كنت هيك انا يابنت علي
انا كنت انسان صح مريض وعندي خوف مرة رحت على معالجة اخبرتني انو عندي رهاب اجتماعي ومرة رحت على طبيب مثل ما حكيتلك قبل هيك انو عندي شخصيه شكاكة ورهاب انا تغيرت كثير ولحمد لله واخذت دورات بالتنمية واتحسنت لدرجة كبيرة لما اتذكر كيف كنت وكيف صرت هذا صار معي من وقت ما اخبرت لما كنت ادرس تسويق بالكلية
قبل ما ادرس اخراج تلفزيوني وانا درست هذا التخصص عشان راسي والهلاوس ما تزيد براسي - درسته عشان بس خبروني انو تخصص في راتب عالي
مع انو راتبي عادي جدا الان وياريتني ما درست هالتخصص واشتغلت بالهالشغل
المهم احكيلك شيء انا حياتي كانت اسرار ما حدى من اهلي بعرف عني شيء الا جديد عن الدواء البوخذه بس ما بعرفوا انو للذهان بس بعرفوا انو انا بتعالج
انتي بتعرفي يا بنت علي انو حياتي كانت فشل لفشل وكله خوف وهروب من واقعي الكنت عايش فيه فتحت محل كومبويتر قرض اخذته خسرت المحل ادمرت نفسيتي
وكنت بدي اعوض عن شخصيتي المدمرة لانو كنت بنفس تلك رسبت بالتسويق واهلي ما بعرفوا وللان ما بعرفوا حولت ودرست ادب انجليزي فصل ورسبت فيه لاني تاسيسي بالانجليزي ضعيف رحت فتحت محل كومبيوتر وخسرت المحل ادمرت نفسيتي وصرت بالحضيض
والسبب الوحيد الكنت ارسب فيه بالكلية انو البنات يضحكوا على شكلي بس الان تغيرت للمعلومة فقط انا بحكيلك بس افضفضلك عن حياتي
فهمتي ليش رسبت ورسبت بالجامعة نفس الشيء وما قدرت اتحمل للغة الانجليزي ما فهمت عليهم وغير هيك شخصيتي كانت مهزوزة كنت بدي اعوض هاي الفشل
باني افتح محل كومبويتر وخسرته بعدها درست بالكلية اخراج كنت اقراء بالجريدة وصدفه قرات عن التخصص بدي بس يجيني راتب اقدر اسد القرض
وماكانوا اهلي يعررفوا بس حكيتلهم بالاخير بعد سنة من دراستي بالكلية فهمتي شو الصدمات العانيت منها بحياتي هذا شيء بسيط من الصدمات
ما كنت اعرف انو راح يصير فيي هيك وضلالات يمكن انا بفكر مع نفسي صار معي هيك عشان فشلي او ما بعرف بالزبط صدقيني
كل شيء جاء معي صدف
فهمتي ليش بدي اقوي شخصيتي واكون شخص راقي بتصرفاتي واخلاقي بدي ادرب نفسي انا بشعر انو الناس احسن مني صح في ناس عاطلين وفي ناس كويسين الواحد يحكم عقله ويفرق بين الصح والغلط بس بحاول دايما صدقني يا بنت علي انا شخص كنت عصبي مع اهلي بس لما اخذت الدورات طورت من نفسي وصرت هادي وبحاول اتصرف بهدوء وتكون حياتي هادئه بدون مشاكل هاي الامور بتصفي ذهني والله انا طورت من حالي كثير فوق ما تتخيلي
وتحسنت في اشياء كثيرة بس المهم بدي احسن من شخصيتي
بدي اكون انسان طبيعي تصرفاته طبيعية تفكيره طبيعي ما ادقق على التفاصيل واطلع الهلاوس من راسي وفكرة الاقمار الصناعية من راسي
هذا بكفيني وبغنيني عن الدنيا كلها والله العظيم هذا العندي
عندي امور بدي احكيلك اياها بس اشعر بالامان بالموقع اكثر من هيك
انا احكيلك الصراحة بتجيني حالة اني شيء مهم وبعدين بجيني تفكير لا انا مريض يعني مش عارف شو افكر يا بنت علي انا بعرف اني مش مميز عن غيري
وهذا القاهرني اني مش مميز عن اي شخص ثاني بس
بكمل بعدين