|
علاقة الغذاء بالنفسيه ( مهم جدا جدا )
السلام عليكم جميعا
بدخل بصلب الموضوع على طول
المهم، كنت اقرأ كثيرا عن مشكلتي ولقلة المعلومات بالمواقع العربيه كما تعودنا على ذكائنا الخارق ( وانا منهم للاسف ) ف طلعت صفر اليدين.
المهم، قلت مالي الا الكفار والمشركين والعياذ بالله وفعلا بديت ابحث عن موضوعي عند مواقعهم ومنتدياتهم وما شابه.
لكن استوقفني شئ قد يفيدكم وقد لا يفيدكم ما عندي علم لكني بكتبه بكل الاحوال ونشوف اذا احد بيفيده او لا.
المهم، صحيح لسه ما وجدت علتي ههههههههههه بس قد اكون وجدت شي ينفعكم.
قاعد اكتب كثير مو وقته هههههههههههه
المهم، في تجمع مسوينه الكفار والمشركين عن الناس الي عندها حساسيه من السكر ( مو حساسيه يعني حبوب والجلد احمر ، قصدي التحسس من السكر بالجسم) وبشرحه لكم الان
الشخص ياخذ سكر ، بعد ما ياخذه يرتفع الانسولين بجسمه عشان يخزن نصه ويدخل نصه للخلايا،، المشكله وين ؟؟ المشكله ان بعض الناس ينخفض السكر عندهم بسرعه قبل المده الطبيعيه لهذا السكر ينخفض معدله وهذا يسبب مشاكل على المدى البعيد... طيب وش المشكله بالضبط ما فهمت؟؟ ادري ما فهمت وبعطيك العلم
شوف يا سيدي و يا سيدتي ،، الي عندهم تحسس من السكر نوعين ... الاول جسمه يقاوم الانسولين والبنكرياس يزيد الانسولين بشكل مضاعف عشان يدخل السكر للخلايا ويخزن الباقي ، والنوع الثاني ان الخلايا شديدة الحساسيه للانسولين وبمجرد يجي يقولون حياك الله اتفضل. طيب وش المشكله بالضبط ؟ بقولكم اصبرو
الاول المقاوم للانسولين : الانسولين يزيد مره من الكميه عشان يكافح المقاومه هذي فيدخل السكر غصب عنهم ويخزن الباقي ولانه زاد الكميه ف السكر يدخل بشكل كبير فينخفض مستوى السكر ( مو انخفاض خطير ، فرق بين انخفاض وهبوط لا توسوسون ابد ) عادة يكون صاحبنا المقاوم اما راعي كرشه او انه مدلقم على ما قالو او تجمع دهون بالوسط.
النوع الثاني الي يتحسس بزياده من الانسولين : من شدة حساسيه الخلايا للانسولين ،، ما يمديه يطلع الا السكر يدخل الخلايا ويخزن كميه بسيطه من السكر للكبد وهنا يصير انخفاض ( اذكر الناس مو هبوط انخفاص بس ) وعادة الناس هذول يكونون اما اتبعو حمية قاسيه او صاحبنا المدلقم قرر ينحف او فرط تحسس جيني من زمان.
طيب ما عرفنا العلاقه الى الان ،،، صبرك علي يا ابو الشباب
المهم وش علامات هالشيئن ذول؟؟
علاماته انه مرات لما يجوع فجأه يرتجف من الجوع ويحس نفسه خفيف، او اذا جا وقت الاكل وتأخر خمس دقايق يولع ويعصب، دايم يكون مهدود حيله بشكل عام، مرات يصحى بنص الليل جوعان مره مره، اذا اكل غدا دسم مره بعد ساعه او اقل من ساعتين يشتهي حلى كذا سبحان الله شهوه قويه طبعا. مرات وهو جالس يطري عليه شي سكري يبي عصير حالي او شوكولا او اي شي كذا بس ضربت براسه بعنف ويبيها الان.
هذي علامات المتحسسين من السكر ،، المشكله وين؟؟ المشكله ان لما ينخفض السكر عنده بسبب تحسسه من السكر الادرينالين يسري بجسمه يعلم الجسم ان السكر انخفض،، ويفرز عنده الكورتزول عشان يرفع السكر وصاحبنا اتوماتيكي يجي بباله الحلى براسه !! يروح ياكله والجسم يريح ويجي الانسولين خوينا يبي يدخل السكر بالخلايا ويخزن صح!؟ وش يصير؟؟ بالضبط نفس الشي بينخفض السكر بعد شوي وهكذا..
اهم اسباب الشي ذا الغذاء لان الغذاء حقنا سكري جدا وسكريات سهله ك الوجبات السريعه وما شابه ولهذا تشوف لما تدق بماكدونالدز ثلاث ساعات بالكثير وتجوع ولهذا ما تنتهي الدوره ذي.
طبعا بحكم الادرينالين شغال دايم هذا ينزل السيروتونين ويصير المزاج نازل واذا في قابليه للقلق والامور ذي تتطور لامراض نفسيه لكن طبعا ماهي سبب مباشر بل السبب ان عندك قابليه والامر ذا مع اصابتك بالنفسيه تزيد لان الادرينالين صار الان دبل المفرز وحده للسكر والثانيه لنفسيتك وهنا تصير المشاكل .
الحل هي الاكل الصحي طبعا وبكميات جيده والاكل كل اربع ساعات وجبات خفيفه وهنا تكوم قضيت على نصف المشكله وقد تقضي عليها طبعا بالاضافه لعلاجات رفع السيروتونين.
الي فيه العلامات الي ذكرتها فوق ، قد يكون هذا احد اسبابه الرئيسيه وبحكم اننا احنا اكلنا اصلا رايح فيها وكله سكريات بسيطه ممكن هذا يكون عائق لنا.
انا حبيت بس انقلكم تجارب الكفار والمشركين وتذكرو
ناقل الكفر ليس بكافر هههههههههههه
نراكم قريبا بإذن الله والان سلام عليكم
|