نفساني - عرض مشاركة واحدة

16-01-2016, 08:20 PM

اليوم 16 يناير 2016

اولا اشكر الجميع ( ظل امرأه، أمل الروح، محبة الرؤوف، ألم مستمر ، وائل وائل، تمني، طوق الياسمين، نعمة النسيان، الله(وسووم) معي ، ملامح شفاء ( مزمن سابقا هههه )، محبة الرؤوف ، يتيمة فرح، تالين، ريييما ))

واتمنى ما نسيت احد والي نسيته حقه على راسي من فوق وشكرا لكم ولدعواتكم وللسؤال عني

حاليا وضعي لا بأس فيه مازال فيه انخفاضات ولسه نبحث عن المشكله وعملت تحليل انسولين و c-peptide وقسما بالله مدري وشو ذا لكن يقولون مهم ههههههههه

واذا اتضح انه طبيعي بنسوي تحليل كلوجوكون واذا اتضح انه سليم ف تحليل الغده فوق الكلويه ( المهم شكلي شيبت وانا لسه صغير يا ربي لك الحمد.

الوضع النفسي،، ما يحتاج اقولكم زفت طبعا يا زوار واعضاء ومن يتابع مدونتي لكن من ناحية الوسواس ف أنا شفيت الحمد لله منه وسبق وقلت لكم. والقلق خف معاي جدا وانا طبعا بالقلق النفسي الحقيقي حاليا وليس الاضطراب لان عندي مشكله عضويه. رهاب الساح خف معاي لاني اضطريت اطلع المستشفى وكمات طلعت اليوم من المستشفى الي منوم فيه الى مستشفى اخر الي فيه دكتوري النفسي لان عندي موعد ... وسولفت معاه عادي عن الي حاصلي وقالي انت نفسيا خفيت قلتله ليش قال لان لو نفس وضعك سابقا مع معرفتك بمشكلتك العضويه كان ممكن تنجن رعب وخوف وقلتله انا خايف اصلا قال ايوه بس لو العلاج مو ماشي معاك كان هالحين انت بوضع اخر وعطاني صراحه امل كبير. وقلت له عن الشهيه الزايده ومتى تروح ف قالي انت تحتاجها اصلا عشان وضعك هههههههه قلت اي ، بس قالي ان الشهيه اصلا تنفتح مع العلاج هذا مؤشر ان مزاجك كويس والعلاج ينفع لان بمجرد اعتدال وتحسن المزاج الشهيه ترجع. ف رحت جاوبت واحد اليوم بقسم الاستفسارات الدواء عن هالشي ههههههههههه

لا تيأسو يا اخوه ، كل مرض وله علاج باذن الله ومرضنا يستجيب جدا للعلاج .... ما اقول اني اركض سعاده لا طبعا بس مقارنه بأول انا افضل نفسيا.

نصيحه: لما تنفتح الشهيه كثرو سلطات فواكه وخضروات لانها ما بتزيد وزنكم وطبعا كلوها بين الوجبات يعني تغديت،، جعت عليك بالسلطات والفواكه.

نراكم بإذن الله على خير