نفساني - عرض مشاركة واحدة

17-01-2016, 07:35 PM

اليوم 17 يناير 2016

بطلع من المستشفى بعد شوي على ضمانتي لان مافي فايده ابدا من جلوسي هنا. تم تشخيصي ان عندي ارتفاع انسولين والعلاج لا يوجد. مطلوب مني اكل كل ساعه ونص الى ساعتين بالكثير وهذا هو العلاج. ممنوع من المجهود العضلي نهائيا لان انسوليني زايد واي مجهود لو خفيف بيهبط معاي السكر. ولو ما اكلت بمده اقصاها ثلاث ساعات السكر يكون منخفض ايضا. يعني مافي حلول ابدا غير ان استأصل البنكرياس واعيش بإبر الانسولين، او اني اعيش كذا اكل ونايم بس مثلي مثل البهيمه فقط لا حول ولا قوة الا بالله.

جدا تعبان الان نفسيا،، ووصلت لمرحله من التحمل ما يعلم فيها غير رب العالمين .... الشخص مو عارف يتحمل مرضه النفسي عشان يجيه مرض عضوي متعب زي هذا. الحمد لله على كل شئ. لا اعتراض على ما كتبه رب العالمين

حاليا مشلول بعنف لا اقدر اعيش لا نفسيا ولا عضويا .... بكل الاحوال الطبيب نصحني اقابل اخصائي غدد صم قد يكون عنده حل .... وانا فعلا دبرت موعد بشق الانفس مع اخصائيه يوم الثلاثاء بإذن الواحد الاحد ويا رب القى حل عندها.

رسالتين موجهه لكم زوار واعضاء

الرساله الاولى: اخوكم محتاج دعواتكم بصدق ولا ابي ردود هنا بالدعوات خلوها بقلوبكم وادعولي بصلواتكم وقلوبكم ولا تقولون لي دعيتولي او لا خلوها عن ظهر قلب

الرساله الثانيه: موجهه للي ينبسطون اني اعاني افرحو واعملو احتفالات وابتسموا واضحكوا وصفقوا ايضا بدون ما اعرف

في ناس تنبسط وناس تحزن وتشفق ،، بكلا الحالتين اعملو الشي بقلوبكم

انا احاول اني اتحمل قدر المستطاع لكني انسان بالنهايه ولي قدرة تحمل ولا تلوموني لو اني مثلا كنت جاف بعض المرات او صارم ف وضعي مثل منتو شايفين وحقكم على راسي من فوق.

بالنسبه للتحديث النفسي،، بعيدا عن مرضي العضوي والنفسيه الشينه الملاصقه له،، انا بمرضي النفسي لا بأس ... افضل من قبل ورهاب الساح قد يكون اخف ايضا لكن لاني اعتقد ابتليت بمرض عضوي ... لكني ارجع أأكد، لولا الله ثم الدواء لكنت الان منهار جدا لما اعرف عن مرض زي ذا ماله حل وقد يكون في حل عند اخصائيه غدد،، لان الدكتور الي معاي والله جاب معاه مراجعه الطبيه ويقولي والله مدري وش هالحاله. لكنه صار يستنتج ويقول يمكن كذا ويمكن كذا وانا استنتج معاه والجميل بالموضوع انه صار يدخن معاي انا وهو عند الكراسي وندخن سوا ونقرأ،،، هههههههههه شر البريه ما يضحك لا حول ولا قوة الا بالله.

المهم تابعو علاجكم ولا توقفو،، انصح بالعلاج الدوائي بشده حتى لو انكم تعبتو ببدايته لا تيأسو .... ولا تخافون الي جاني مو من العلاج اصلا انا شايب صغير فيني امراض الدنيا اصلا جيوب وحساسيه وسكري وركبتي منتهيه واصلع والان زيادة انسولين.... ف لا تقارنو انفسكم فيني ابد بل انا اشد على يديكم للشفاء بإذن الله.

بارك الله فيكم جميعا

انتهى تحديث اليوم