نفساني - عرض مشاركة واحدة

21-01-2016, 12:52 PM

بعطيك الكلام العلمي لاني انا ما اعطي شي من كيسي او من جيبي واتفلسف مثل البعض الله يهديهم

انتي بدا موضوعك بصدمه نفسيه وهالشي طبيعي واي احد بمكانك بيجيه نفس الشي. بتقولي شخصيتي ماهي قلقيه بقولك صحيح طبعا. مو معنى الشخصيه القلقيه ان انتي تقلقي بشكل عام، لا طبعا الشخصيه القلقيه هي الي عنده قاليه بالتعظيم والتعمق. اما القابليه للقلق عادة هالشي يكون وراثي ولا يظهر للساحه الا في موقف معين مثل الهلع هذا الي شخصيته قابله للقلق او صاحب شخصيه قلقيه يكون في حياته فال امها لكن فجأه جته نوبه هلع وتدهور بينما الي شخصيته مو قلقيه او غير قابل للقلق تجيه نوبه ويشيك ويقولو ما في شي ويعيش حياته فهمتي الان ايش الشخصيه القلقيه او القابليه للقلق.

وانتي قابله للقلق سواء شئتي ام ابيتي

المهم نكمل الكلام العلمي،، هذا كلام الدكتور عبدالله غلوم وليس كلام ماندوزا ابن سبستيان ابن فرناندو دي سوزا

يقول الدكتور عبدالله غلوم، عند الصدمات النفسيه، قد يعيش المرأ اكتئاب او قلق او اي نوع من انواع الاضطراب النفسي لمدة معينه ولا تزيد عن شهرين. اما اصحاب الشخصيه القلقيه او القابلين للقلق فلا تزيد عن 6 اشهر واذا زادت فهنا اصاب بالمرض وبناءا عليه قد يغير حياته تبعا للمرض المصاب فيه. بينما الصدمه قد يهمل بعض امور حياته لفتره اقصاها 6 اشهر بعد ذلك يصبح تغيير الحياه هي علامة المرض.

فإن زادت عن 6 اشهر ، فيجب استشارة الطبيب النفسي لأخذ العلاج اللازم.

والمصدوم النفسي اذا استشار معالج نفسي سلوكي في فترة الصدمه لكان كافيا من دون علاج كيميائي،، لكن ان تعدت الصدمه المدة المعلومه فيجب الحصول على المساعده والتدخل الطبي النفسي. انتهى كلامه

هذا رأيه هو، اما عن نفسي .... اقول انتي بعمر 19 سنه ... متى ناويه تعيشي شبابك مثل البنات المنتشرات في بلدنا؟ ولا انتي راضيه بنفسك كذا؟ هل تعتقدي ان احد يبالي مثلا ؟ انتي صاحبة حياتك وليس احد اخر،، صديقتك الله يرحمها هذا قدرها وربي كاتب ونعم بالله،،، اما انتي للاسف انتي الي قدرتي لنفسك هالشي مو احد ثاني اخترتي تكوني بهالطريقه هذي.

هذا منتدى طيب، وفيه الناس الي تساعد وانتي استفدتي منهم مثل ما انا استفيد منهم ،، لكن لاحظي شي معين،، كل الي يهدون اعصابك اما انتهو من مرحلة العلاج ويطمنونك او انهم يأخذون علاج ويطمنونك والبعض ما ياخذ العلاج ويقولون احنا مثلك .... طيب انتي وش يعجبك الي يطمنك؟ او الي يقول انا مثلك؟ طيب الي يقول انا مثلك هذا فعلا مثلك مو راصي يتعالج ويفرح انه لقا مثله وانا اعرف ان هالفرح معناه انه مو لوحده بس لو تقلبينها وكأن الشخص يفرح ان في مرضى كثير،،، وهذا شي انا لاحظته ما احد قاله.

انتي صغيره بالسن،، اقصد ان لسه وراك بلاوي الجامعه والهيصه والفله ... ف ليش عاجبك وضعك كذا؟؟ شوفي الاعضاء الي موجودين،، شوفي وين وصلو بالحلول عشان ما يتعالجون لانهم فقط سمعو ان فلان صارله كذا من الدوا واحنا بدال ما نكون امة اقرأ صرنا امة اسمع. وعايشين على الاشاعات ولهذا ما زلنا نعتبر شعب درجة ثالثه ناميه للاسف لاننا عبيطين صراحه.

وانتي الان قلتي اهلك يقولون عين او سحر او اي شي .... هذا الي احنا فالحين فيه،،، قولي عين الكل يركض ويصدق قولي مرض نفسي يقولون هووش بس وش هالكلام العجيب الي ما يدخل المخ.

هذا رايي انا ، وهو يمثلني فقط .... وتقدري تستشيري الي تبين .... ولا تنسي ان اغلب الموجودين اخذو دواء وتحسنوا عليه وامورهم بسيطه الباقيه ومع هذا ما ينصحون فيه مع انهم اخذوه ليش ما اعرف... تسالي ما نفعك يقول بلى، بس ما احس اني كويس !! او زاد وزني او اي شي .... يعني بصراحه كلام فاضي .... ولك حرية الاختيار

الله يوفقك وقدامك العافيه