نفساني - عرض مشاركة واحدة

21-01-2016, 05:26 PM

لا تشتكي أعراضك لأهلك

السلام عليكم جميعا

بدخل بـ صلب الموضوع على طول

احنا الي نعاني من اضطراب القلق نمر بأمور ما أحد من الي حوالينا يفهمها. مهما حاولت تشرح ما رح يفهمون. قد يقولون معليش هذا قلق لكن ما يعرفون ايش نحس.

نبضات، الم جسدي، دوخه، غثيان، توتر عضلات، غصة، ضيق تنفس، ارتخاء القدم ..... الخ من اعراضنا النفسوجسديه

هذا كله محسوس لنا ولكنه غير مرئي لهم ابدا

وهذا الامر يخليهم يتيقنون اكثر و اكثر ان انت مسحور او فيك شي ،،،، يعني، انت ما زلت قطعه وحده بس تشتكي من اشياء غير مرئيه ،،، بالنسبه لهم وبينهم وبين نفسهم بعد ما تهدأ وتروح بيقولون لبعض ( لا حول ولا قوة الا بالله الجن لعب فيه لازم نقرا عليه، او بيقوون هذا انجن خلنا نخبي الموضوع عن الناس ، او اي شي اخر )

يعني انت واقف عندهم مثل ما قلت وقطعه وحده منت مكسر لقطع عشان يركضون فيك ويهتمون فيك.

شي ثاني، قد يهتمون فيك ويعاملونك بطريقه جيده ولكن بالنهايه يملون .... لان ببساطه امورك غير مرئيه فيتبادر للذهن ان مرضك مثله مثل القلق العادي،، يعني واحد قلقان عشان نتيجة الاختبار يقدر يخبي قلقه فيقولو انت نفس الشي تقدر بس قاعد يدلع شوي.

ف انصح الجميع، اذا الي حواليك مو فاهمينك،، ف لا تتردد تجي هنا وتكتب الي تشعر فيه مهما كان سخيف بنظرك ...... هنا الكل يفهمك لان ما احد يعرف طعم المر الا الي ذاقه.

وللعلم، ان الاحباط الي الشخص يلاقيه من الي حواليه للاسف قاسي وقد يخليه اسوء لان جد نحن نحتاج مسانده ولكن لا نحتاج شفقه.

دعواتكم راس مالي

المصدر: نفساني