نفساني - عرض مشاركة واحدة

22-01-2016, 01:43 AM

اقتباس:

المشاركة الأصلية كتبت بواسطة دموووعي

سلام عليكم

احس اني تعبان خايف اصارح زوجتي اني مريض نفسيا

وبنفس الوقت خايف من اي خلاف تفضحني عند اهلها او اهلي

كثير ماتسالني عن الحبوب اللي اكلها اقولها مرات فيتامينات مرات حموضه

بس الين متى ماادري ....اذا جتني نوبات القلق اهرب من البيت عشان ماانكشف

او تلاحظ هي ... مقدر اسكر على نفسي الغرفه مثل ونا عزابي

عندي طفلين واحس اني تسرعت بالزواج مع اني كنت مريض قبل زواجي

بس عشان خاطر ابوي تزوجت ...ولدي بدا يكبر وتزيد مطالبه ونا مكتوف اليدين

بين مرضي النفسي وبين علاجاتي اللي صارت تأثر على الجنس عندي

انتم مثلي ؟؟؟ اللي حولكم يدرون انكم تعانون ؟؟ صرت اهرب من البيت كثير واجلس بالسياره

اتعذر اني مشغول عنهم وبنفس الوقت احساس بتأنيب الضمير لانه مرات مااقدر اوديهم اذا زادت النفسية عندي

زوجتي عصبية ونا عكسها هادي جدا .... ونا ماصرت اسولف معها لان اي سوالف تنقلب زعل منها

الله يهديها احسها تبيني على كيفها ان شافتني سرحان قالت وش فيك للدرجة هذي مو طايقني

واي شي تفسره اني مااحبها وماهي داريه بالنار اللي بقلبي

بالله شورو علي ولاتنسسون اننا بمجتمع سعودي ...ودايم اسمع اخبار جماعتنا منها

من تطلق ومن مرض ومن ومن اه بس

حاسه فيك وبكل كلمه كتبتها لان معاناتك نفس معاناتي الفرق انا ان زوجي يدري اني مريضه ويراعيني لكن احسه بداء يمل من الوضع على قوله لاني اهملته وصار يحس نفسه مهمش وانا غصب لاني احس بتبلد مشاعر ماني قادره اعطيه اي اهتمام ومع ضغوطات الاولاد احس اني هلكت وماني قادره اهتم حتى بنفسي وهو صار يلومني كثير ومهما شرحت له عن اللي امر فيه مايقتنع او يقول الله يعين وبكره يكبرون الاولاد ومن هالكلام يعني كان معاناتي كلها بسبب وجود الاطفال مايدري ان المعاناه الاكبر هي وجود المرض النفسي اللي مدري متى بينتهي
الله يفرج همنا ويلطف بحالنا