نفساني - عرض مشاركة واحدة

22-01-2016, 09:06 AM

اقتباس:

المشاركة الأصلية كتبت بواسطة عبدالله سلمان

السلام عليكم ...

بصراحة انا جسيت نبض كذا شخص قبل لا اكتشف ايش اللي يصير معي بالضبط ... فيه من تجاوبهم كان بااااارد جدا ... وفيه اللي اهتموا بالموضوع بشكل خطافي وبشكل عابر

طبعا هذا وانا ما بينت عشره بالميه من اللي قاعد يصير معي .... كل هالناس كانت متعوده إني أنا اللي أحل مشاكلهم سواءاً قرايب أو أصدقاء

إلا صديق الله يجزاه الجنه إهتم في الموضوع وكل شوي يتصل ويتطمن ويعرض خدماته رغم ظروفه ورغم إني ما كان فيني أشرح له كل اللي قاعد يصير معي ... السبب غير إنه وافي معي هو انه عانى كثير في السابق من نفس المشكلة وعايشتها معاه من سنوات

زوجتي بحكم اننا عايشين سوى ولو مافهمت بعض الأشياء ممكن يصير سوء فهم شرحت لها بعض الأشياء .... مثلا ً النسيان .. الفهاوة والسرحان وعدم الرد على إستفسار منها ... عدم تحمل الأصوات العالية ... النرفزة السريعة ..

ما شرحت لها بخصوص حالة الهلع والوساوس اللي تمر علي

لذلك أشوف إن الشخص أحيانا يضطر إنه يكتم بعض الأشياء لأجل ما يقلق غيره وينكد عيشتهم ... ويشرح بعض الأشياء من شان مايصير سوء فهم بسبب الأشياء اللي تؤثر في تعامله مع الغير

الحمد لله على كل حال .... اللي يزيد التعب هو إنك في حالتك هذي تصير حساس اكثر من اللازم خصوصا من أشخاص طول حياتهم كانوا معتمدين عليك في حل المشكلات ووقت ما تحتاج مساندة معنوية ... ولو بكيف الحال تكون من قلب وتستفسر عن ملامح وجهك المتعب وغيابك ما تلقاها من القريب .... ويصير حضورك والغياب واحد

جد شيء مزعج جدا لي لأني من النوع اللي أقرأ وجوه اللي حولي واصواتهم الحزينة وأسعى للمساندة وأحمل نفسي فوق ما أطيق .... وياما كرهت العادة هذي .. وفي السنوات الأخيرة كرهتها أكثر لما عرفت قيمة اللامبالاة وكيف ناس كثير مريحة أدمغتها

الحمد لله على كل حال والله لا يضيع لنا تعب ... ولا أرجوا ولا أطلب إلا رحمته وعفوه يكفي عن العالمين

مندوزا ... أشكرك على مواضيعك اللي فيها مجال للفضفضه وتخلينا نفك شوي

هذا المطلوب انك تطلق العنان لنفسك وتتكلم عن الي بداخلك

يكفي اننا نعاني نفسيا،، ف يجب ان نتكلم وانت مشكور على فضفضتك وقد يراك شخص اخر ويتكلم ايضا لان كلنا بحاجه للفضفضه