المشاركة الأصلية كتبت بواسطة انعكاسات

بالنسبه لي عن تجربه و عن إطلاع باللي عندهم نفس حالتي و حالات إشوفها
موقف الأهل ضعيف و سلبي نسبيا
بالأول يهتمون فيك و يسألون عنك
بس بعدين ؟
يبدون يطفشون ويملون
مرات ممكن يمتد الأمر اللي الهواش و الزعل
لأنهم ما يعرفون اللي نحس فيه ولا جربوه
يحسبونه خوف عادي ويروح
مثل خوف وقلق الاختبار او الزواج
لكن خوفنا وقلقنا شي ثاني
خوف وقلق وتوتر من لا شي
مو فاهمين ان تغير مزاجنا وتغير تعاملنا و كسلنا و انطوائيتنا
هي سبب القلق والخوف اللي نحسه
مرات نضطر نخبي عنهم او نكذب عليهم
عشان ما ينقلب الموقف لشيء سلبي
لأن اذا علقت على خوفك من الطلعه او كتم صوت التلفزيون
او الابتعاد عن النقاشات و صوت الاطفال
يحسبون انك نفسيه ومو عاجبك شي
وانت بالأساس ملايين الافكار السلبيه ببالك وقلبك يمشي ألف
عدم معرفتهم بأن في شي اسمه قلق توتر خوف اختلال انيه نوبات هلع
هو سبب موقفهم البارد والسلبي معانا