ذات الخمار

بيانات اضافيه [ + ]

رقم العضوية : 3005  تاريخ التسجيل :  11 2002  أخر زيارة : 12-12-2008 (07:29 PM)  المشاركات : 878 [ + ]  التقييم :  10

لوني المفضل : Cadetblue

السلام عليك ياضحى
انشاء الله حليت زين في الإختبار؟؟؟ماقضيت
.................................................. ...............
يوم قريت ردك في موضوعي قلت أكيد ضحى ضايق صدرها عشان الإختبارات ؛؛الله يسهل عليك ويلهمك بالإجابات الصحيحه آمين

خلي أوسع صدرك بهالمواقف الحلوه أيام الخطوبة والزواج أخذتها من بعض المنتديات
..........................


اختي يوم جا يشوفها خطيبها قلت بأسوي سنعة واسشورلها شعرها وبديت بمقدمة الرأس من فوق واستخدمت فرشة دائرية بلاستيك ويعنني كوافيرة ومادريت الا الفرشة عالقة(ناشبة) في شعرها ولف الشعر وما قدرت أفكه وخطيبها يستنى وابوي يلا يلا وين البنت واحنا حايسين مع الشعر والفرشة وما تركنا شي ما صبينا على شعرها زيت..بلسم... ما ولا رضى .......

قلنا يلا ما بدهاش على الكوفيرة والرجال يستنى... وطرنا لأقرب مشغل ودخلت وقلت عندنا حالت طوارئ . وأعلنت حالت الطوارئ في المشغل وقالوا مافي حل الا نقص الشعر
وانهبلت أختي وأجلست تسبني وتبكي وقالت كيف نقص وهو مقدمة الشعر يعني أصير صلعة
وفي الأخير جت فلبينية سنعة ومعها أربعة عاملات وصبوا علبة بلسم على الشعر وبدو يفكون الشعر شعرة شعرة بالبنس . وسشورنا شعرها في المحل وانا من الفرحة أعطيت كل عاملة 10 ريال..
وانتهت القصة على خير .. واختي ماقالت لزوجها الا بعد سنة من الزواج وصار يعلق عليها كل ما مر من المشغل يقول لها ما تبغين تسشورين شعرك.اخخخخخخخخخخخخخخخخخخ

.................................................. ....

ياطويلات العمر انا تزوجت وعمري 15 سنه
يعني خلصت متوسط وبدل ماروح
الثانويه رحت بيت عدلي.
والمصيبه انه زوجي بعد كان عمره 19 سنه
يعني بصراحه خمة بزران.
وش تتوقعون منهم؟
خخخخخخخخخخ
سمعوا واتعضوا.
في أول اسبوع زواجي كان زوجي يمزح
معي وعضني عضه الله لايوريكم.
طبعآأنا ماتعودت احد يعضني غير اخواني
وقت المطاقه معهم.
وافك نفسي منه واطلع برى الغرفه
المسكين يحسب اني مستحيه
مامداه يقوم عشان يلحقني ألا والنعله تكرمون بوجه
هو تغير وجه وعصب ونسى الرومانسيه
وتحول لوحش.طبعا الاميره الحسناء شافته تغير
شغلت السفتي حقها وطيران لاقرب حمام اعزكم الله.
والله نكته
جلست بالحمام مايقارب اربع ساعات
وهو يهدد ويوعد لما زهق وراح عند التلفزيون
ولما جاينوم ناداني ومارضيت
اطلع الا بعد ماحلف لي انه مايلمسني.
وراحت ليله من الليالي نكد.
والله تحين انه فعلا بزران مو وجه زواج.
ههههههههههههههه







الموقف الثاني احلى يذكرني بالنكت.
مره تونا متعيدين في ديرتنا وراجعين الرياض
في الطريق تهاوشت مع زوجي
والناعمه ماعاد تقدر تتحمل قعدت اصارخ واقول نزلني
مابيك وهو يقول لو تنزلين بروح الرياض واخليك
وانا اخذت المساله عناد.
وقلت وقف وقف هو وقف بيشوف اخرتها معي
تدورون وش سويت؟








ههههههههههههههه
نزلت وركبت وراى على بالي
طلعت الطابق الثالث يعني ماعاد اشوف رقعة وجهه
قسم بالله انه احنا نكته من قلب
وهو سكت وكمل طريقه
ههههههههههههههههههاي
..........................................
انشاء الله أكون وسعت صدرك ؛؛وش رأيك نسوي للبنات مسابقه في الطبخ أنا سويتها العام الماضي وكانت ناجحه مرة؟؟

أصير أنا وأنت مشرفين عليها ::أو إنت لحالك لأني يمكن بنشغل في الإجازه

...........