نفساني - عرض مشاركة واحدة

25-01-2016, 03:17 PM

اقتباس:

المشاركة الأصلية كتبت بواسطة ظل فتاه

غلط غلط غلط وصفكم لي حالتي غلط
الحين عرفت الحين فهمت
انا السبب في كل الي يصير لي او لأهلي الحين عرفت ليش انكرهت من الكل لاني غلطت
رغم اني احاول اتناسى غلطتي
إلا إني اواجه الحقيقه قدامي
قبل ماكان فيني شيء نفسي من صغري كنت اشوف اشياء غريبه بالرغم انا الوحيده الي اشوفه تكلمت كثير بس محد صدقني دخلت بدوامه انا ليش اشوف شيء مو مرئي للكل
الرجال الطويل الظل الاسود الحيوانات الناس الاقزام بالرغم محاولاتي الفاشله بالتواصل مع الي اشوف دخلت لعالم ماكان المفروض ادخله
جلست اطنش الي يكذبني وابحث بنفسي الما تعمقت بعالمهم ولعبت الويجا وغيرها بعدها تأكدت اني دخلت لجحيم وحسيت بغضب ربي علي انعميت لمده شهرين من بعدها بدء الخوف يسيطر علي والاذيه من كل جهه والافكار المجنونه الي براسي وكأن احد يتحكم فيني لو فسرها الطب بيقول انفصام لكني اعيء واستوعب جيدا
إلا اني لسمعت الصوت والضحك من بعيد تبدا تنتكس حالتي والكثيييير من الاعراض
ماراح اترك نفسي مكبله في المستشفى بيد ادويه مجرد تنويم وتربيط راح انتظر بهدوء إلما يقتلني الظلام
شكرا جميعا فبعد وقت طويل في الموقع عرفت اشخص حالتي صح

+
اخوي عبدالله وربي كلامك في محله راسي اتمنى احد يعالجه قبل كنت احط عليه خبصه او دواء كنت ارتاح كثير راح ادور معالجه شكرا

جميعا شكرا لكم على كل واحد رد شفاكم الله وعافاكم =)

اقسم بالله العظيم إن كلامك عن الأقزام حدثني عنها شخص زمان وصل لمرحلة الجنون ... وهو الشخص الثاني اللي ذكرته بردي الأول
والشخص الأول ذكر لأخوه انه يشوفهم قدامه

يا اختي لا تخافين وخلي أملك بالله كبير ... وما شاء الله عليك شكلك قوية ... أعرف رجال الواحد شنه يوقف عليه الطير ما تحملوا مثل معاناتك ووصلوا لمرحلة الجنون ولكن تعافوا بدعم كبير من اللي حواليهم وبالغصب يعني ماكانوا راضين يتعالجون

اذا انتي ترتاحين اذا ربطتي راسك فإحتمال كبير ان معك تنسيم من كنتي صغيره ... وهو أهون من انه يكون معك مرض نفسي أو روحي لأن العلاج ان شاء الله اسهل والله الشافي

حالتك صعبه ولكن واضح ما شاء الله انك قويه ... بعض النااس الله يهديهم يصرف لك 100 % ان فيك مرض نفسي والبعض يبصم بالمرض الروحي ... انا أقول لك جربي تعالجين الثلاثه بالترتيب من الأسهل إلى الأصعب والتزمي بالعلاج

أولا قياس الرأس والحرص على إكمال العلاج ... وحتى اذا تحسنتي ... بين فتررة وفترة قومي بقياس الرأس والتأكد ... لأن الحالات القوية بالعادة ترجع بعد فترة

ثانيا .. إذا قياس رأسك تمام مع اني ما اتوقع ... عالجي نفسك عند شيخ والتزمي بالقراءة ....

ثالثا إذا قالوا لك مافيك شيء ... زوري معالجة نفسية والتزمي بالأدوية النفسية

ما أقدر أقول لك 100 % اللي فيك .... لكن عندي احساس كبير انه تنسيم في مرحلة متطورة
وللعلم يصيب حتى الصغار .. وقريب لي زمان اصابه وكان يقوم يركض لين ما يضرب نفسه بالجدار يقوه وكان عمره تقريبا 13 او 14 سنه

لا تقولين بكره وبكره وبكره وتمر الأيام ... بإذن الله تنسين أغلب الأحاسيس هذي من أول اسبوع ... ويمكن يستمر علاجك شهر او اكثر على حسب قوة الحاله ... بس العلاج سهل بإذن الله اذا لقيتي معالج صح