نفساني - عرض مشاركة واحدة

25-01-2016, 07:01 PM

اقتباس:

المشاركة الأصلية كتبت بواسطة ام سما

اخي عبدالله كل مازت معالج قال عندك فتح بالراس وثاني واحد كان بمنطقة القصيم قال لي فتح 6اصابع وقرى علي واعطاني صبخه وماجابت نتيجه وكل ما اروح لهم كووني في الراس لكن ماحس باي تحسن بعد الكوي مع اني التزم بالحميه بعد الكوي
تحسنت شي بسيط مع الحجامه بس ماقدرت اكررها
واحس ياست من المعالجين هل ممكن يكون فتح بس ماعرفوا يعالجونه
لان اعراضي مثل اعراض التنسيم بالضبط .

اختي ام سما ... المعالجين يختلفون من شخص لشخص
اللي اعرفه اني زرت معالج بالسابق وكرب راسي شوي ويفجره حسيت براحة بسيطه ... قال تعال بكره جيته من بكره وسوى نفس الشيء معي ولكن ما تغير معي شيء .. مع العلم ولله الحمد حالتي ماهي قوية
ذكروا لي معالجة بحفرالباطن مشهورة ... اسمها ام مناور .. حتى قوقل تطلع فيه ويجونها من كل مكان حتى من الخارج

طبعا هي اللي تسوي الصبخة بنفسها وتربطها على راس المريض وتواعده بعد خمس أيام يرجع مرة ثانية ... انا من اول يوم حسيت بفرق وكل يوم اتعافى أكثر ... للأسف فكيتها بعد ثلاث أيام ولا رجعت لها
وناوي بإذن الله أرجع لها عن قريب ... لأن رجعت لي بعض الاعراض

الاعراض بالسابق احس الدنيا بررررد حتى بالصيف واطفي المكيفات الظهر واجلس بالحر ... الدنيا تظلم أحيانا بعيوني واحس بدوار ودوشة قوية براسي صداع تقريبا ولكن ألمه يختلف .. اذاني احسها مفتوحة والاصوات العالية تقرقع براسي لدرجة اصلي الجمعة واحس المكرفون داخل راسي واسد اذاني ... تفكييييير سلبي غالبا واحلام يقظة نغزات بالجسم من مكان لمكان ... خوف وتوتر وعضلات الجسم مشدودة خصوصا الظهر .. النوم ما انام لين ارهق واطيح واذا نمت ساعتين انبسط اني نمت ساعتين واعد نومي بالدقايق

الآن الحمد لله زالت كثير من الاعراض وخصوصا اني انام كويس الآن بالمقارنة مع زمان .. الدوشة وان الدنيا تظلم زالت ولله الحمد

للمعلومية اخذت طريقة الصبخة من النت وسويتها كثير بالبيت لكن ما فيه تحسن ... كنت أرتاح بزيت الزيتون المقري عليه مع ربط الراس
لكن بعد الله لما رحت لأم مناور حسيت بالفرق الكبير حتى ظنيت إني وضعي اوك وشلتها ولا إلتزمت ببرنامجها

لذلك ممكن انتي ما توفقتي مع المعالج ... وممكن ان وضعك مختلف ... لكن جربي أحد معروف من سنين ومشهور بهالشيء .... انا بحثت ولقيت المرأة هذي اللي بحفرالباطن الله يطول بعمرها