نفساني - عرض مشاركة واحدة

25-01-2016, 08:33 PM

اقتباس:

المشاركة الأصلية كتبت بواسطة ام سما

جزاك الله خير
انا تضايقني الاعراض النفسيه اكثر من الجسمانيه
امي دايم تقولي ادهني راسك بزيت زيتون دافي واربطيه بكيس وطرحه ونامي فيه انه اذا كان فيه هوا بالراس يخف بهالطريقه لان معي اعراض تشبه اعراض الجيوب الانفيه

لكن ممكن توضح وش تقصد بالدنيا تظلم

جبتيها .... مثل أعراض الجيوب الأنفية اللي يذكرونها ... اذاني مفتحة على طول حتى لما أبلع ريقي تطقطق

بالنسبة للظلمة ... مثل التأثيرات على الصورة بكاميرا الجوال ... لون عميق داكن
كانت تجيني مع شيء يشبه الصداع ولكن مع دوشة بالراس وغثيان خفيف ... ما أقدر أوصف الحالة بالضبط ...!!

طبعا الأعراض النفسية النرفزة على أشياء تافهة وأحس اني عاطفي بقوووة وأشره بيني وبين نفسي على كثير من اللي حولي خصوصا اللي اهتم فيهم قبل أكثر من نفسي ... وصرت ما انام لوحدي والنور طافي .. اكره البيت يكون فاضي وقت طويل خصوصا بالمساء ...

صحيح اني شخص عاطفي من أول بس ما أشره على احد لأني انبسط لخدمة الغير ولو أقصر على نفسي حتى لو قصروا.... لكن الآن عاطفي بزيادة تخليني أكره شيء اسمه تعاطف مع الغير واتمنى اني كنت شخص اناني ولاهي بالدنيا ... هو شعور أقرب للي يحس بإنه تم تهميشه بوقت صعب

هذا هو العرض النفسي الأصعب علي من كل شيء .... كثرة التشره بيني وبين نفسي والحسرة على الوضع الراهن يلعب بنفسية الرجل .. كنت متفائل جدا وأرضى بأي شيء .. الآن غير

فيه عرضين معي ما ذكرتهم

الأول : النسيااااااااان

الثاني : اني اذا حصلت أحد أثق فيه وكتوم وأعطاني مجال ..... أمسك فيه خط طوييييييل من الشكوى لحالتي لدرجة اني ما انتبه الا متأخر واحاول أرقع ... في السابق ما أشكي أصلا لأي شيء يصير الآن قرقر واجد
لذلك خلاص على الواقع ما اتكلم بهالمواضيع عند أحد أبد ... ما أبي تتغير نظرة اللي يعرفوني عن شخصيتي السابقة ووضعي الحالي ... يعني انطواء جزئي