المشاركة الأصلية كتبت بواسطة ماندوزا

اختي ام سما قفلي الموضوع لان انتي مقتنعه من غير دليل وانا اكلمك بالدليل وبشرح الدليل ان وجد

العقل الباطن ينطق وفي كتب كثيره عن هالموضوع ومن ضمنها الدكتور ابراهيم الفقي وايضا الحبيب تكلم عن هالشي العقل الباطن يتكلم بلسان الانسان وهذا الي يحصل بالتخدير مثلا الي يتكلم ولا يدري وهذا الي حدث للشيخ ابن عثيمين اعتقد لما قال محاضره وهو مغمى عليه وايضا انتي عندك اطفال واذا ارتفعت الحراره لا سمح الله فيهم يتكلمون بكلام مرات هلاوس ومرات مفهوم وغير تكلم النائم وغير تكلم الخائف وهذي امور مثبته علميه وايضا الاصوات قد تختلف بالعقل الباطن لان الكلام يخرج لا ارادي واذا تبين مراجع بالعربي في هالثنين الفقي والحبيب هذا الي قرأت لهم بالعربي عن الموضوع هذا.

اما نطق الجان على الانسان يعني تسلط عليه وهذا عكس الكتاب والمذكور فيه واعوذ بالله من يقول ان الجن يتسلط على بني ادم واخالف كلام رب العالمين.

وفي عهد النبي، الجن يتشكل بشكل بني ادم ولا يتلبس وينطق على لسانه وفيه الحادثه الشهيره مع ابي هريره وقال الرسول صدقك وهو كذوب.

نطق الجن على لسان الانسي ليس له دليل، وفي الاسلام، يجوز انكار الذي لا دليل له الا لو شايفه غير كذا.

هذي امور زرعت بس في عقول السابقين وتوارثناها احنا ومستحيل ان الشخص يتركها لانها متأصله فيه لهذا انا قلت الكلام في هالموضوع ما ينفع لاني اتكلم بالدليل ولا تعطيني دليل انتي لان فعلا هالشي ماله دليل ف الغلط مو منك.

اما تشككي فيني وتتهميني بإنكار شئ موجود بالقرآن الي هو العين والحسد لا ما حبيته ابدا ومع هذا لا بأس.

على العموم نقطع الموضوع افضل انا انسان اشرف على علاج نفسي ولا ودي ادخل بمتاهات وبالنهايه صحتي اهم بكثير من اني ادخل بنقاش شبه عقيم او يكاد يكون عقيم.

اتمنالك الصحه والعافيه

انتهت ردودي هنا