نفساني - عرض مشاركة واحدة

26-01-2016, 09:47 AM

اقتباس:

المشاركة الأصلية كتبت بواسطة هــــيمو

اهلن بأهل القصيم .. كيف صحتك اليوم!

انا حاليا طلبت كميه من جابا ..ووصلت

وطلبتkava و true calm و adrenal optimizer و alive
ولسه ما وصلت..

..
الا كيف انطباعك عن كافا منفردا ؟؟ وفينيوبت كذلك؟

وهل جربت الايف و ترو كام لحالهم؟؟
كم تعطي تقييم كل علاج من عشره؟

دمت بأتم الصحه والعافيه..

هلا هيمو اللايف بصراحة للتركيز والنشاط أعطيه عشرة على عشرة بدون مبالغة وأنصح فيه للي مايعاني من أي شيء.
أما الكافا جيد بس فيه كلام إنه لايؤخذ أكثر من 4 أسابيع من باب أنه يؤثر على الكبد لكن تعرف شركات الأدوية يبالغون كثير من باب الخوف من المساءلة القانونية وإلا لو فتحت البنادول بتلقى فيه تحذيرات أشد لكن مايمنع نخليه وقت اللزوم أو كل يومين مرة مع اني قرأت مقال يقول لو تم استخدامه بجرعة لاتقل عن 200 مليغرام يوميا ماعندك مشكلة .
الفينيبوت هذاني طلبته ولسى ماوصل لكن يُقال أنه قد يسبب ادمان اذا تم استخدامه يومي وبجرعات عالية وينصحون بعدم تناوله أكثر من ثلاث مرات أسبوعيا , لكن زي ماقلت قد يبالغون لأن السيروكسات يقولون انه يسبب اعراض انسحابية ومع ذلك اتركه انا بكل سهولة باختصار احيانا الشركات تبالغ , أخيراً أبشرك اليوم الرابع بدون أي علاج دوائي من العلاجات الصيدلية ووضعي جيد بالحيل مع اني قبل ماقدر اطلع من البيت إلا بجرعة 40 مل من السيروكسات كحد أدني غير الاضافات من دوجماتيل وغيره,.أنا الحين بإذن الله باستعمل اللي ذكرت فوق مدة شهر إلى 3 شهور لين أتأكد من فعالية العلاج وأنه غير وهمي ثم بطرح موضوعي إن شاء الله.