|
في مثل هاليووم بالضبط ساعدوني :(
السلام عليكم اخواني اخواتي
مالي غيركم من بعد الله افضفض له
انا قبل سنه في مثل هالاوقات
دخلت عليكم وانا بحاله وسواس مايعلم فيه الا الله
كنت اوسوس في مرض السرطان الله يكفينا شرره واياكم ويحفظنا ويحفظ احبابنا
..
المهم حياتي كانت كابه في هم وغم وبس اصيح
لاني كنت احس بالام في الصدر والعضلات والرقبه وجسمي كله
كل ماعورني شي على طول شكيت وقمت اتلمس جسمي واشوف واتحسس والله ماتمر دقيقه الا انا المس جسمي واشووف واقعد اصيح واحس بغثيان ومالي نفس شي
المهم صرت ابي اروح المستشفى واشوف علتي
اول مره قاال الدكتور عضلات وعطاني حبوب مكملات غذائيه وابر
ومع هذا ماصدقت كلام الدكتور قلت هالالم معقوله عضلات
ودخلت في نوبة ثانيه من الهم والغم والحزن والتفكير والبكاء
وصرت ابي اروح طبيب ثاني
ورحت وفحصتني بيدها وقالت مافيك شي قلت الا فيه المسي بعدين قالت لاتوسوسين شكلك تدخلين قوقل واجد وتبحثين قلت ايه صح قالت هذا سبب الوسواس
المهم مااقتنعت بكلامها ودخلت نوبه ثالثه هم وحزن وضيقه وتفكير بالمرض كل ماالمني مكان قلت بس هذا المرض انا رحت فيها خلاص
وتعبت من حالتي
المهم ورحت للمره الثالثه للمستشفى وشكيت لهم
وقلت احس بالم في الصدر وجسمي كله وخايفه
قالت الدكتوره عشان تطمنين سوي سونار
المهم سويت سونار على الصدر وقالت لي سليمه
ارتحت بعض الشي لاكن
رجعت لي نفس الوساوس وتعبت منها
لين قررو يسوون لي تحليل دم
وطلع عندي نقص حاد فيتامين د
واخذت علااجات واستمريت عليه
وتحسنت وصرت احسن وراح الوسواس وماصرت افكر
ورجعت طبيعيه مثل قبل
بس جت فتره طوويله تركت العلاج ومااستمريت عليه اهملته لمدة طووويلة
لاكن بعد مرور سنه ومثل هالايام هذي الحين
رجعت لي الحاله ورجعت لي
نفس الااام االي احس فيها قبل كل شي
رجع لي الوسواس والتفكير ودخول قوقل واشوف اعراض واخاف زياده
نفس الحاله رجعت لي تعبت منها كل ماالمني مكان شكيت بشي خطير
والله ياجماعة نفسيتي صفررر
تكفوون ساعدوني انصحووني وش اسوي :(
تعبت تعبت يااارب صبرني وارحم بحالي وابعد عني هالحاله
|