المشاركة الأصلية كتبت بواسطة عبدالله سلمان

السلام عليكم

ماترين باس اختي ... الله يرزقنا واياك نعيم الدنيا والآخرة

واضح جدا ان اللي معك فتق بالراس ... كل الأعراض اللي ذكرتيها مطابقة للتنسيم بالراس


نصيحتي لك وانا اخوك تروحين لوحده في حفرالباطن اسمها ام مناور .. اشهر من نار على علم .. تصبخ لك خمس ايام والسادس تفكينه الصباح وترجعين لها تصبخ لك مرة ثانية واذا لزم الأمر تصبخ لك ثالثة ... يعني ضبطي وضعك انك تجلسين هناك ثلاث أسابيع .... أفضل من انك تصبخين مرة وتمنعك الظروف انك ترجعين لها ... إلتزمي بالعلاج معها نصيحة لوجه الله ... ومايمنع بعد شهر شهرين حتى لو كنتي متحسنه انك تمرين عليها ... شكل وضعك مزمن .. والعافية طيبه وانا اخوك وتحتاج صبر وبذل الأسباب والإلتزام فيها

واذا فيك عين راح تبين مع القراءة .... لكن أولا أنصحك تلتزمين إلتزام شديد عند العجوز اللي ذكرتها لك ... مشهورة جدا


أنا زرت كذا معالج شوي ويفجرون راسي ... واحد منهم قال لي قم ماعاد فيك الا العافية باقي اصبعين وكل الناس معها اصبعين ... سويت صبخة بالبيت كثير ولكن مافيه تحسن كبير كنت ارتاح بس اذا ربطت راسي لين زرت اللي بالحفر وصبخت وقالت ارجع لي بعد ماتفكها باليوم السادس ... فكيتها بعد ثلاث أيام لأني ذقت العافية وظنيت إني خلاااااص افتكيت ولا رجعت لها ورجعت لي بعض الاعراض البسيطة جدا مو مثل أول بغيت انجن ... وبإذن الله قريبا بارجع لها والتزم بكلامها وزيادة والله يشفيك يارب ... قسم معاناة والطب الحديث وبعض المعالجين بهذلونا بهذلة لأن الأعراض كثيييره وكل شوي يطلع شي جديد ....