المشاركة الأصلية كتبت بواسطة عبدالله سلمان

السلام عليكم ورحمة الله


أخي الفدعوسي ... صل على محمد .. اكتب لي حالتك من طقطق للسلام عليكم وهل تستخدم أدوية ولا لأ


ثانياً .. أنا قبل فترة ماكنت أنام تخيل أنام وانا جالس على الكنبة ولاني صاحي ولاني نايم ولما أطبق يوم يوم ونص اغفي ساعه ساعتين واقوم فرحااااان اني غفيت لأني خفت يصير فيني شيء من قل النوم ... نوبات فزع وهلع وحالتي حالة وضيقة رهيبة ووسوسة ... رحت للمستشفى كذا مرة ولا فاد .. بالنهاية لما زرت معالج طلع معي فري .. تنسيم بالرأس
زرت معالج واثنين ما تحسنت معهم .. ولكن رحت لعجوز وصبخت على راسي والحمد لله رغم اني ما استمريت على برنامجها بس والله ذقت العافية وقدرت أنام ... الآن أغلب الأعراض انتهت .. وبإذن الله برجع لها


والله مقدر وضعك وانا اخوك ولكن اصبر وتعوذ من الشيطان وجاوبني على أسئلتي


انا في انتظارك ولا راح أطلع الليلة ان شاء الله الا بعد مانتكلم انا وانت بإذن الله