|
بسط امورك اكثر ( اعرف اكثر عن القلق )
السلام عليكم
مشكلة القلق هذي الي تسبب لنا ازمة بحياتنا ، وتخلينا متخبطين ما بين يمين ويسار وضايعين ولا نعرف الطريق الصحيح ونبقى عالقين
لو فكرنا بشكل اخر، كلنا نقلق القلق العادي الي يكون مقرون بشئ معين وبزواله يزول القلق
اما الاضطراب الي احنا فيه مشكلته ما هو مقرون بشئ ولهذا نكون متخبطين ونحاول نربطه بأي شئ ... مره الموت ومره المرض ومره بفقد توازني ومره مدري وش فيني وهكذا ونصير نحفر اكثر واكثر عشان نشبع القلق الي عندنا ونقوله ان فيه سبب لقلقنا بس اصبر شوي بنلاقيه وهذي طبيعه بشريه عاديه وصحيحه لان مستحيل اننا كذا اصبحنا بشكل مجهول يعني مو معقوله نايمين وكنا بخير ونصحى وفجأه اصبحنا قلقين من الباب للطاقه.
لاحظو اني ما كتبت اننا نقلق من الهلع لاني افترض ان الهلع فهمناه انه فير مؤذي اصلا وانه نتيجه لقلقنا الزايد ولكن يوجد بعضنا يخاف من الهلع وهذا شئ مو عيب لانه شعور مخيف اصلا لكنه يبقى شعور لا اكثر ولا اقل وطبعا كلنا الان صرنا نعرف انه فعلا ما رح يؤذينا ف نخليه على الجنب.
طبعا بالنسبه للإغماء والي كثير مننا نخاف منه والمفروض ما نخاف منه لانه نعمه مو نقمه. اتركو الاغماء باسباب عضويه معروفه وبعيده عنكم جميعا ك امراض الضغط والقلب واحنا كلنا سليمين من هالامور وعارفين اننا سليمين من هالامور ولكن مثل ما قلت حاول نجد سبب عشان نشبع القلق ونكون افضل. الاغماءات الي تأتي بسبب الخوف هذي نعمه لان العقل يحميك ف العقل الباطن يدري انك بتجيب العيد ف يقفل جسمك عليك سواء انك ما تتحمل او انك مو جاهز او ردة فعلك بتكون شديده ف العقل الباطن يرسل اشاره للمخ انه يقفل الجسم لانه غير مستعد بانتاج السكر وضخ الدم والاكسجين وهكذا ... لهذا يقولك الاستعداد لكل شئ بحياتك مثلها مثل الرياضه اذا على طول لعبت بدون احماء قد تتعرض لتشنجات عضليه وشد عضلي وتعب سريع لهذا يقولك حمي قبل الرياضه والجسم نفس الشي اذا مو مستعد يقولك معليش استريح اخوي او اختي ونامو شوي. الاغماء هذا ما ياخذ دقايق وتصحى ويكون وقتها الجسم تجهز وخلاص مستعد للردود الفعليه.
لهذا... احنا القلقين ما رح يغمى علينا لان جسمنا مستعد دايم ف شيلو فكرة الاغماء من بالكم ولا تقلقو منها.
بعيدا عن الاغماء،، نجي للزبده وهي ايجاد السبب الحقيقي للقلق. كل شخص قلق مهما اختلفت مخاوفه بشكل يومي كلها تنصب بشي واحد مهما كانت الافكار مختلفه. يعني شخص يقول بموت.... خلاص كل شي يصيبه متعلق بالموت وحتى لو كان بشكل غير مباشر يعني عادي الم بالرجل ،، يقول اكيد شي خطير انا بمرض ويصير يشيك رجله عند اطباء وهكذا وكل هذا لانه خايف انها سبب بالموت والي هي فعليا كذا اصلا يعني دايم في اساس للقلق وكل شي ينصب عليه.
انت لازم تعرف السبب الرئيسي لنفسك عشان تعرف تبدا تعالج نفسك بنفسك وهذي خطوه كبيره.
طبعا الكل هنا وانا من ضمنهم نعرف هالامور ومع هذا ما فرقت معنا وما زلنا قلقين. السبب اننا ببساطه ربطنا كل شي بحياتنا في امر واحد وصار متشعب جدا لدرجه اصبحنا لا نعرف قلقين من ايش بالضبط ولكن مع جلسه مع نفسك رح تكتشف ان خوفك هو شئ معين فقط.
البعض او الاغلب مننا ما صار قلق من الباب للطاقه،، بل بسبب موقف او شئ معين مهما اختلف سواء كان فكره او موقف او اي شي... ارجع للماضي وحلل امورك ورح تطلع بسبب واحد ورح تعرف ان كل هالمده الي مرت انت كنت خايف من شي واحد وتشعب لامور كثيره ولكن مرجعها واحد.
مثل ما بدأ المرض،، ينتهي من نقطة بدايته وهذي دايم خلوها ببالكم
اتمنالكم الصحه جميعا
دعواتكم راس مالي
|