المشاركة الأصلية كتبت بواسطة روح الطفولة

شوفي عزيزتي قبل اول مرة جتك ايش كان سببها ايش المواقف التي تتذكريها في ذيك الفترة حاولي ترجعين بذاكرتك ورا قبل اول موقف صار وايش كان ردت فعلك

نوبات الهلع الي تجيك تجي قبلها قلق نتيجة الفكرة الي تدور في بالك القلق يرتفع لما يرتفع القلق في لخبطة تصير في كمياء جسمك زيادة افراز شغلات في جسمك عن معدلها الطبيعي هو شي مومقلق ولاابيك تخافين عادي الي يصير بداخلك تحسينه فايش تسوين تقلقين اكثر وتبدين تفكرين باعراض الموت فيرتفع القلق وتبدا تزود افراز الأمور هذي فتزود الاعراض موضوعك ماهو مقلق ولاصعب ومعقد شوفي العلاج السلوكي ممكن يخفف من هالاعراض شوي بس يحتاج قوة صبر وإرادة تحتاجين تسوين تمارين استرخاء طيب


الشي الي بعده افكارك وقت النوبه اذا صعدتيها راح تصعد محتاجة تسيطرين على فكرتك وقت النوبه الهلع انا ماعرف حجم مشكلتك كونك بعيدة ولا راح أكون مثل طبيب يشرف على حالتك قدامك بس راح أحاول اتابع معك لما تجيك نوبه اصرفي فكرة الموت هذي هدي حاولي تخفضين نسبه الخوف هدي اعصابك لاتتجاوبين مع الخوف لانك لما تهدين راح يقل تدريجيا معدل القلق خذي نفس عميق وابدي خرجيه


أخيرا ابيك تاخذي ورقه وتسجلي كل فكرة تجيب وقت النوبه ونتاقش فيها


وقبل اختم ابيك تسترجعي اول نوبه كل شي مرتبط فيها تحاولين تسجلينه بتفيدنا كثير