نفساني - عرض مشاركة واحدة

05-02-2016, 06:03 PM

والله . يا . محمد. الحال . من . بعضه ...
اليوم اشتد علي القلق والاكتئاب وجلست على حالتي المعتادة ابكي وادور في البيت واهلي نفس الشي يسولفون ويضحكون ولاهم حاسين بالمعاناة اللي اعانيها:(
واحس بضيقة شديييد في الصدر ورغبة في التقيؤ ولكن اذا حسيت الاستفراغ وصل الحلقوم اشرب كاسة ماء باردة عشان ابلع الطراش واخفف من التهاب احشائي :(
ياخي الاكتئاب والقلق هذا اعدم عندي الجهاز الهضمي كله من المريء الى المستقيم الى المسالك البولية!!
اليوم اشتد علي التهاب بطني واحس مثل النار مولعة في بطني مع اكتئاب شديد وخوف وقلق..
والمشكلة ماني قادر آخذ اي علاج نفسي لاني حاليا اخذ مضاد حيوي ويتعارض مع العلاج النفسي والله يصبرني على الالم العضوي والنفسي احس بطني كأن فيه نار مشتعلة من شدة الالم :(
واحيانا اقعد اصيح صياح اتوقع ان الاموات يسمعون صياحي وكل من على المجرة من شدة الالم العضوي والنفسي!!
ولكن الله يعينني احس مافيه احد حاس بالمعاناة اللي اعانيها..

واما الادوية جربت ادوية كثيرة عشان تخفف علي الاكتئاب والقلق الشديد وهي الريفوتريل والاتيفان والاخير سببلي هلوسة مع اكتئاب وقلق وخوف شديد وصرت اشوف ناس قاعدين معي ويسولفون معي واحيانا اتفاعل معهم واقوم امشي الين عندهم وبعدين استلهم نفسي!!
وصراحة صرت اقول يا ليتني مجنون واكلم نفسي وافقد عقلي عشان ما احس بالاكتئاب والقلق والخوف والكرب!!
وتصدق العلاج الوحيد اللي جاب معي نتيجة وخاصة في مسألة الغثيان والقيء والضيقة اللوديوميل!!
اول ما آخذ منه حبة يوقف عني الاستفراغ والقيء ويخفف القلق وضيقة الصدر بشكل كبير..
وانصحك انك تجرب اللوديوميل لاني احس جسمك استجابته للادوية قريبة من جسمي
وخذ اللوديوميل وتوكل على الله لعله يفيدك في مسألة الضيقة والقلق والغثيان مثل ما فادني

واما الفليوم وجماعته من البنزوديازيبينات انصحك بعد اللجوء اليهم الا في اضيق الحالات..
لان البنزوديازبينات اثمها اكبر من نفعها مثل الخمر
واذا استمريت عليها اكثر من شهر راح تدمر الفص الامامي من المخ وتسببلك ذهان على ذهان ونوبات قلق واكتئاب شديدة جدا ربما نتنحر بسببها
كذلك الليريكا والنيورنتين انصحك بعدم استخداهما الا في اضيق الحالات

وجرب ارفع جرعة الانافرانيل الى 150 لعله يفيد معك
او استخدم بدلا منه اللوديوميل او التربتيزول لان لها خصائص مضادة للقيء مسكنة للقلق وتميل الى تهدئة المريض
وجرب برضه اعشاب وحميات وانا راح اساعدك من هذي الناحية بسبب خبرتي في الاعشاب والطب البديل
ولا تيأس من روح الله ترى باقي فيه خيارات كثيرة وانشاء الله تزين الامور
وهذي هي الدنيا لابد فيها من العسر واليسر