نفساني - عرض مشاركة واحدة

07-02-2016, 07:25 AM

اقتباس:

المشاركة الأصلية كتبت بواسطة موجوعه جداً

انا ليه 4 شهور ماحس بالراحه بصدري
وثقل وضيق انفس رحت كل مكان يقولون نفسيه ويعطوني حبوب حساسيه ويقولون ارقدي !!!
سويت كل شي يقولون سليمه ومافيك شي !
رحت لشيوخ يقولون عين وحسد ومستمره على الزقيه لكن مازلت اعاني
واتثاؤب كثير واحس بصعوبه تنفس وكتممممممه شديده
طبعاً هالشي يصحيني من النوم كرهني بالليل
كرهت الحياه صرت ما اشتري وما اكل وما احب شس رغم اني حديثة زواج
تعذبت بحياتي احس كل يوم بموت بيوقف النفس واموت
يجيني خفقان ونبض قوي ورجفه وتنمل وخوف شدييييييد جداً
افكلر سوداويه ما احس للحياه طعم احس الناس عايشه وانا بس جسد
لدرجه صرت احس انو مافي حل محد عارف اش فيني
اهلي طفشو مني واخاف زوجي يطفش كمان
كل ما احكي لاحد يقول قومي انشغلي محد حاس ع بالهم شي سهل
انا كنت طبيعيه طيب زي زيكم فجاءه صرت احس باختناق وكتمه طول الوقت
خلتني اخاف واعيش بتوتر واتغير وتنقلب حياتي واجهل اشفيني
رغم اني متعلمه وكنت عايشه برا وشجاعه الان صرت عكس تماماً حتى الاصنصير اخاف اركب فيه
الظلمه امرها احس الاكل ينشب بحلقي وكانو فيه حاجه ماشبع وخانقتني
رحت لدكتور نفسي قال هذي نوبه هلع اعطاني انتابرو 20 وزبريكسا ما استعملتها خفت منها
بس اخذت انتابرو احس خفت افكاري السوداويه بس مازلت اعاني من الكتمممه وكانو احد حابس نفسي
ساعدوني ودعواتكم ربي يشفييني ويشفي الجميع يارررررب 😭

انا مثلك تعبت وجاني قلق وتوتر وهبوط في القلب وخوف شديد وافزمن النوم من شدة ضربات القلب والم في الاكتاف ورحت حكومة وطلع مافيني شي وعرفت انه نفسي ورحت المستشفى النفسي وعطوني حبوب وظليت مع المعاناة هاذي تقريبا 4 سنوات وبعدين عرفت ان فيني حسد وعين متاخر عطلت اموري فحزمت امري وتوكلت على الله وبديت ارقي نفسي طباحا ومساء طبعا اخذا علاجي ودعمته بالرقية وكانت الرقية بالنسبة لي رسمية يعني احاول اني مااقطعه لاني اذا لاقطعتها بتسوء حالتي من جديد وكنك يابو زيد ماغزيت
طبعا اقولك شصار معي يوم التزمت بالرقية اول شي ماصرت افز من ضربات القلب من النوم ثانيا ماصرت احس بالم في الاكتاف ثالثا ماصارت تجيني نوبات هلع شديدة رابعا خف القلق عندي
طبعا فيني خوف بس مو شديد وانا للحين مستمرة بالرقية ومستحيلة اقطعها لاني شفت نتيجتها وبكمل لين الله يفرجها علي
طبعا انا مع الرقية الدموع تنزل وثاؤب مستمر بس خف التثاؤب عندي حاليا
طبعا انا اخذ انتابرو نص حبة 5 جرام لكن انا اقولك الشفاء بالحبوب وحده ماينفع بتتعبين ولا راح تتركينه يعني لازم ترقين تفسك صباح ومساء
طبعا اعراضك هاذي شكلها من العين والحسد
انا نزلت رقية شرعية من الجوال
طبعا في النهاية ننس الاهم ان احنا لازم نعتمد على الرقية الشرعية من القران والسنة لانه هو الدواء الحقيقي
وحصني نفسك بالاذكار الصباحية والمسائية
طبعا اذا كانت العين قديمة مع الرقية بتشوفين تحسن لكن بطى واذا كانت العين حديثة بيكون التحسن اسرع
في النهاية سواء العين قديمة او حديثة لكن لقيت التحسن والراحة هذا اهم شي
والله بشفيك ويشفيني والجميع يارب