المشاركة الأصلية كتبت بواسطة محمد البدراني

هلا وغلا احمد والله رحمتك ورحمة حالي الله المستعان مالنا غير الصبر والله يحب الصابرين انا مثلك ما فيه احد مهتم مالنا غير الله اما العلاجات خلاص مليت منها ومن كثرتها وتبي الصراحة انا عندي فاليوم بالدرج بس اقاوم ان ماخذه والحمدالله اني

اخذ مرة واحدة فقط في الاسبوع وانا خايف من مسئلة الاثار الجانبية له لكن الدكتور طمني انه ما يضر في حال ما استخدمته الا وقت الضرورة القصوي ولا اتعدي حبة في الاسبوع اما الغثيان والاستفراغ ما جاب الدواء نتيجة ولا انا عارف السبب ا

لدكتور يقول يمكن عضوي وانا عندي قرحة في المعدة بس برفع جرعة الانافرانيل ان شاء الله اتحسن عليه والله كلما شفته اتذكرك وادعيلك لاني مع الانافرانيل احس مشاعري بدت ترجع صحيح على فترات متباعدة لكن عطاني امل ان المشاعر راح ترجع

والليركا بديت اخفف منه وان شاء الله في الطريق اوقفه نهائيا والحمدالله انا الاسبوع الجاي عندي اجازة وهذا خفف علي القلق اما الاكتئاب ما اعرف سبب زيادته

اشكرك احمد من اعماق قلبي عساك دوم جنبي واقف مثل الاخو ما يخلى اخوه في الشدائد