|
تبهذلت تعالوا واكسبوا فيني اجر ! نسال الله العافية لي ولكم
السلام عليكم
يعلم الله قد ايش تبهذلت لين لقيت واحد اعراضه مشابهة لاعراضي و قمت بالرد على موضوعه و يبدو انه مشغول
ما بطول بالمقدمات كلنا المرض اتعبنا
قبل 5 شهور كنت تمام و كل شي و انا شخص رياضي و امارس الرياضة يوميا
فجاة جاني شد بالرقبة و بعده بيومين شد بالراس " كانه شد بفروة الراس " و من خوفي
قمت اقرا بالنت ! وودتني لين حالة الورم بالدماغ و العياذ بالله ! و من بعدها انقلبت حياتي عقبا على عقب
و اعترف انه ممكن كان اكتئاب من قوة الخوف
الام بالعضلات و رعشات في الجسم زي النفضات
كل يوم مكان جديد لكن اكثر مكان هو الظهر و تحت الراس و تحن الرقبة !
و احيانا دوخة و عدم اتزان و هز بالراس و صوت الكهرباء بالراس الي هو ازيز !
تقلبات المعدة مرة امساك و مرة مافي امساك
رحت ل3 دكاترة عظام شافو x-ray و قالولي مافيك شي
سويت اشعة مقطعية ووريتهم قالولي مافيك شي
و سويت مقطعية للمخ و قالولي مافيك شي ،، ماصدقتهم وديتها لطبيب اخر و قلي مافيك شي
استغربت طيب الصداع و الدوخة و عدم الاتزان ؟
رحت ل4 انف و اذن وحنجرة و كلهم يقولولي مافيك شي
طالبتهم باختبارات السمع و الاتزان و الحمدلله سليم
قلت شكله شي ضاغط بالجمجمة او ورم ومو عارفين يشخصوه
رحت لعيون و سوا فحص للعين وضغطها و قلي مافيك شي و نظرك تحسن و غير نظارتك !
رحت باطنية و سويت فحص لكل شييييي ! الحمدلله سليم و نقص بفيتامين د ! و طبعا كل الدكاترة يقولولي دكتور نفسي لانه لو لاقدر الله ورم
كان ماحسيت و ان حسيت بالالام فهذا معناته اني بالمرحلة الاخيرة و التشخيص بيكون مافي اسهل منه
رحت لواحد نفسي كاني بسلك حق روحي يقلي معاك قلق و شد اعصاب كتبلي سيبراليكس
اخواني المشكلة
يجي الم بالظهر تختفي الدوخة و عدم الاتزان
تروح الام الجسم تجيني الدوخة و عدم الاتزان وبعد الالام بالاذن
وكلهم يقولولي سليم !! انا ما وصلت لمرحلة الهذيان
لكن عندي اعراض عضوية وربي
لو نفسية طز انا اعرف اطنش و امشي و اخرج
صوت الازيز يشتغل بنص اليوم
اول ما اصحى يكون مافي !
العضلات نفضات و الام اسفل الكتف غريب !
والله تعبت ياخوان ،، الله يشفيكم و يشفينا و يشفي مرضانا
والله الصحة نعمة مافي احلى منها والحمدلله على كل حال فكل بلاء هو اجر
العضو الي مشابهة اعراضه لي اسمه :
بين يوم وليلة
بساله هذه الاسئلة :
وش اكتشافاتك ؟ ايش حسيت الدواء المريح ؟ ايش الاسلوب المريح ؟
انا احس يوم انام زين و اصحى تخف كثييير و ترجع بنص اليوم
و ايش نوع الطنين حقك اخوي ؟ ازيز صح ؟
فضفضلي الله يرضالي عليك والله تعبت و ما صدقت لقيتك
انا ماني مريض نفسي وربي
عندي فوبيا من الطيران و كم شي بس مو لدرجة مرض نفسي !
بالنسبة للاخوان و الاخوات :
تعرفون احد مثلي او قد صارلكم مثلي ؟
اشكر وقتكم الثمين
والله يشفينا و يعافينا
طمنوني حبايبي والله تعبت
اللهم اليك اشكو ضعفي وقلة حيلتي
|