المشاركة الأصلية كتبت بواسطة ا،السويدي

السلام عليكم و رحمة الله و بركاته ،

ما أعرف ليش كتبت هالموضوع ، و لا أدري شو اللي أبا أوصله بالضبط !
كل اللي أعرفه اني أقدر آفضفض لكم لأنكم حاسين فيني !

اعرف ان كلنا تقريباً نشعر بالموت ! معقوله كلنا نفس الأعراض ؟
و كلنا نحس بأحاسيس غريبه و عجيبه ؟
أفكار تداخل مع بعضها و النتيجه هي = الموت ؟

تحسون ؟ فجاءه ! فكره و را فكره و را فكره ، للحظه تحسون انكم بتفقدون عقلكم ؟
تحسون ؟ إحساس يأتيكم فجاءه الحين الحين بتموتون ؟ بس أحياناً يكون بدون خوف ولا أي ردة فعل !

والله لو اتكلم عن الافكار و الاحاسيس ما بخلص لأن كل شوي احساس يديد .. الله المستعان

أما الأعراض ! فقضيتها أكبر ،
تتخيلون إن فيكم مرض و على وشك ال ..

الاعراض اللي احسها منذ ايام قليله
الحراره .. اللي تكون في ظهري أو الساقين و أحياناً كل جسمي حتى !!
الحرقه أو مادري شو هو بس اللي تكون في الصدر بعد الأكل ..

و اذا استلقيت على ظهري الليل .. أحس بحركه تصير في ظهري أو كأنه حتى يسحبني ..

أكثر ما يُخفيني والله إن أنتوا غير و أنا غير ..
ولو اني افهم نفسي ان كلنا نفس الشي
بس لا ! في شي يقولي انـــتي غيـــــــر ..

الله يشفينا و يفرحنا بالفرج ياربّ ..