نفساني - عرض مشاركة واحدة

13-02-2016, 05:48 AM

اقتباس:

المشاركة الأصلية كتبت بواسطة القادم أجمل~

وسواس قهري بتكرر التصرفات انا مو معايه بس انا تاعبتني التهيأت واللي يعصرني ذا صرت اخاف اروح ل احد ويجيني

ومشكور ع الدعوه الله يرزقكم بالمثل

وانا والله وانا اختك خايفه من دوامة الادويه خايفه ادخل عالمها ومعد اقدر اطلع لان كثير قالو يوم تركنا الادويه انتكسنا وكانت الانتكاسه اقوى

وبيني وبينك اللي يتوعد ع راحة الادويه وده يقعد طول العمر عليها غير الاثار الجانبيه وكل شي ماودي ودي اخليها اخر حل

العفو وياليت نفيدكم باللي نقدر عليه
والله ياأختي الكريمه الانسان من تصرفاته وبعض اموره بيكون واضح للي قريب منه وانتي رفضــك للعلاج النفسي ومحاولة معالجة نفسك بغيرها من الأمور
هذا بحد ذاته شي ايجابي وايضا" ماشالله عليك الأسم النك حقك القادم أجمل انسانه متفائله وهذا شي جميل لكن الله يهديك عندك بعض الامراض العضويه عالجيها مثل ماذكرت الأخت أم سما
ولاتخلينها وتدخلين معها امراض نفسيه وكثرة التفكير بها حتى سبحان الله كثرة التفكير تجعل الانسان ينسى نفسه ويهملها وان لبدنك عليك حقا ف يهمل نفسه من الاكل والغذا وينزل وزنه ويختل توازنه
وفعـــــــــلا" كما ذكرتي التعود عل هذه الأدويه والدخول في دوامتها امر صعب ويبيله قرار جامد
كمثال بسيط (( اللي تجيه الزكمه الرشح بعض الناس عل طول للمستوصف ومايخلي علاج وابروخلال يوم راح منه المرض بينما الشخص الاخر مايخذ اي علاج حتى بندول ماياخذه يقعد 5 ايام ال اسبوع ويتشفى ممكن ياخذ اشياء طبيعيه برتقال ليمون زنجيل بصل ثوم ... )) بعض الناس أو كبار السن يقول لاتنطح المرض يعني ماهو اول مايجيك علطول تعالجه وترده عنك خله ياخذ وقته في جسمك ويطلع السموم اللي فيك ... طبعا" ماينطبق عل كل الامراض بعض الامراض المعروفه المتكرره
نرجع لدوامة الادويه : كما ذكرتي فهي ليست بالساهل والامر البسيط راح يتعب الشخص نفسيا" وماديا" حتى يرتاح تفتح ملف في المستشفى او العياده وتاخذ موعد مع الدكتور ويروح نص يومك تنتظر تدخل عليه واذا دخلت عليه حضك ونصيبك
هل بتلقى العلاج بعد الله عل يد هالدكتور هل تشخيصه بيكون صح وعاده وفي الأغلب في المره الأولى اذا الدكتور ممتاز يشوف المريض هل يحب العلاج او يبي مساعده فقط توجيه يعني ونصائح وجلسات اذا شاف المريض يبي علاج
أعطاه حسب حالته علاج غير مقيد يباع في أغلب الصيدليات اذا رجع المريض لدكتور بعد فتره وانه لم يستفد من العلاج ممكن يزيد له الجرعه ويصرف له علاج مقيد
واذا اخذ الوصفه يقعد يدور عل الصيدليات ممكن يحصل وممكن لا .... وتجي كل سنتين او ثلاث قطعه للعلاجات المقيده آخر مره انقطعت العلاجات واستمرت فوق 7 شهور ... يعني الله يرحم حال المرضى ويكون بعونهم
ففعـــلا" انتبهي اذا أقدمتي عل هالخطوه تكونين من الناس اللي لابد ان يستخدم العلاج وخاصه المقيد استخدام عادل وعند الضروره
<<<<<<<<<

كان لي رد عل أحد الاخوان هنا ويتضمن الموضوع من يدري او من يعرف او هل أذكر لناس القريبين مثال الزوجه الوالد الوالده العائله الأصدقاء ....الخ
ذكرت له انه لابد له ان لايعرف عنه اي شخص قريب كان أو بعيد هذا شي خاص فيك بعض الناس لايرحمك اذا شكيت له وبعض الناس يتعب اذا شكيت له كالوالده الأم
فلا يدري عنك احد ابدا" أفضل لك...
انا أتكلم عن نفسي اتعالج من 14 او 15 سنه من علاج في علاج الين شبه استقريت عل علاج معين
جتني أزمه قبل تقريبا" 4 سنين توقفت 4 شهور لمشكله خاصه اجبرت ان اتوقف خلف الحديد ايوووه أهاااا هنا النكبه
وش كان قدامي ماكان قدامي الا اسلم نفسي للأمر الواقع وش الامر الواقع أني انقطع عنهن يما أطلع عل خير وأرجع لهن
ولا بأمكاني اكلم اخوي اقوله جب علاجي الفلاني ووو لكن اخترت اني اكمل سر وأخفاء تعاطي هذه الأدويه طبعا" انا وقت استخدامي لها غير منتظم يعني ليس بشكل يومي ممكن اترك هذه الادويه 4 او 5 ايام
وقت الضروره استخدمها طبعا" ماأخفيك ال 4 شهور ماكنت خايف من الاعراض الخفيفه كنت خايف من الاعراض الشديده مثل الأغماء او ردة فعل قويه للجسم لكن بحمدالله وفضله كنت طبيعي جدا"
وحتى الاعراض الخفيفه سلمت منها .... طبعا" انتي اجباري يدري عنك زوجك فقط البيقه مالهم اي داعي هذا اذا نويتي العلاج النفسي ولاتفتحي قلبك لحد في هالمواضيع هذي

أعتذر عن الأطاله ياليت يكون هاللي قلناه مفيد لك ولغيرك