المشاركة الأصلية كتبت بواسطة الضاحك المستبشر

تأنيب الضمير هذا ماله حل الا انك تبتعد عن التصرفات الطائشة وتتعوذ من ابليس وقت الغضب والانفعالات لان المكتئبين كلهم ما يتحملون صوت الضمير ويسببلهم كآبة..
واما اللوكسابين هذا ماهو موجود في السعودية ولا تستورده وزارة الصحة ولكن فيه علاج قريب منه اسمه ستيلازين وفيه ايضا علاج اسمه لارجاكتيل بس ماهي موجودة الا في مستشفى الصحة النفسية ولا راح تلقاها في الصيدليات..
وفيه ابر كلوبيكسول وهذي برضها مفعولها قريب من اللوكسابين ولكن انت وش تبي من مضادات الذهان القديمة ترى كلها تسبب اعراض جانبية قوية وتسبب تشنجات وتصلب في العضلات وقلق جلوس وارتفاع هرمون الحليب والتثدي والعجز الجنسي واستخدامها صار محدود جدا وبجرعات منخفضة لتخفيف من القلق البسيط والحد من الغثيان او يعطون منها ابر للمرضى اللي ما ياخذون الادوية بالفم ويجرونهم بالقوة ويعطونهم ابر او يستخدونها في الدول الفقيرة اللي فيها مرضى ما يقدرون يتحملون تكلفة الادوية الحديثة..
والشاهد من الكلام اذا ما فادتك مضادات الذهان الحديثة فصدقني ماراح تفيدك الادوية القديمة لان الادوية الحديثة اعراضها الجانبية اقل وفعاليتها اقوى..
وبعدين عندك السيركويل تراه ممتاز للاكتئاب والقلق وافضل من الزبريكسا واما الابيليفاي ماعمري جربته ولكن اذا جربت الزبريكسا والابليفاي والسيركويل ولا فادتك جرب الليبونيكس فهو اقواها جميعا
واما مضادات الاكتئاب مثل ماقالك البدراني مافيه افضل من الانافرانيل والافيكسور والسيروكسات والتربتيزول فهذي تعتبر افضل مضادات اكتئاب والانافرانيل يعتبر اقوى علاج في اعادة امتصاص السيراتونين في المخ وتأتي بعده الادوية الباقية وماله داعي ترى تقعد تخربط في الادوية لان الخربطة تراها ماتجيب نتيجة استخدم علاجين فقط مضاد ذهان ومضاد اكتئاب واذا بغيت تضيف علاج ثالث ضيف مضاد صرع واما اللخبطة هذي ماعمري سمعت احد استفاد منها وجابت معه نتيجة وحتى كبار الاطباء النفسيين لا يفضلون الجمع بين مضادي اكتئاب او ذهان مع بعض