نفساني - عرض مشاركة واحدة

14-02-2016, 02:36 AM

ترى فيه كثير من الناس اذا استخدم علاج نفسي واستفاد منه اول مرة وبعدين تركه ورجعله مرة ثانية يا انه يصير مفعوله ضعيف او انه يصير علاج بدون مفعول وهذا الشي صار معي انا شخصيا..
اول علاج استخدمته هو الزبريكسا 10مج مع الفافرين 100مج وكنت متحسن عليها بدرجة كبيرة جدا لدرجة اني رجعت انسان طبيعي بنسبة 80% ولكن بعد ما تركت العلاج انتكست ورجعت نفسيتي تحت الصفر ورجعت بعدين على الزبريكسا والفافرين وصارت ماعاد تجيب مفعول مثل اول لا والمشكلة اني زودت جرعة الزبريكسا من 10 الى 15مج واول ما بلعت الحبة حسيت بجحيم ماعمري حسيت بمثله طول عمري صرت اسمع اصوات اجراس ترن في راسي وصرت اذا غمضت عيوني اشوف خطوط الطول ودوائر العرض حقت الكرة الارضية مرسومة تحت جفوني!!
وجاني اكتئاب شديد لدرجة اني بغيت انتحر وتركت العلاج مباشرة ولاعاد رجعتله وهذا الكلام يمكن قبل 6 او 7 سنوات
يعني انصحك بان تغير جميع علاجات القديمة اذا صارت ماعاد تجيب نتيجة وتستخدم علاج جديد ما عمرك استخدمته لان الظاهر جسمك خلاص تعود على العلاجات القديمة
واما الانافرانيل هو مشتق من نفس مادة التفرانيل ولكن باعراض جانبية اقل وفاعلية اعلى لان التفرانيل يمكن ما تقدر تتحمل اعراضه الجانبية وخاصة جفاف الحلق ودقات القلب السريعة
واما الليبونيكس تراه متوفر في كل الصيدليات بس غريبة ما لقيته او يمكن اسمه التجاري يختلف وهو له اسمين ليبونيكس وكلوزاريل واذا ما عرف الصيدلي اعطه اسم المادة كلوزابين بس انتبه الكلوزابين لازم تسوي فحص في بداية استخدامك له عن الكريات البيضاء لان من اعراضه الجانبية نقص عدد كريات الدم البيضاء وهذا العرض يحدث بنسبة 1% ولكن تراه عرض جانبي خطير انتبه
وانصحك تستخدم الكلوزابين مع مراقبة طبية يعني يشرف عليك دكتور نفسي اثناء استخدامه ورفع جرعاته وانصحك انك تروح مستشفى الامل عندكم وتقول للدكتور انك جربت كل مضادات الذهان ولا فادتني وابغاك تصرفلي ليبونيكس وبيصرفونه لك وبيعطيك ورقة مراجعة بعد اسبوعين وورقة لتحليل الدم كذا لونها وردي عشان يكشفون على الكريات البيض
بس لا تخاف من هذا العرض لان العلاج فعال جدا وخاصة للحالات الميؤوس منها وللي عندهم افكار انتحارية لانه يوقف التفكير بالانتحار وتوكل على الله وادعي انه يهيء لك اسباب الشفاء