نفساني - عرض مشاركة واحدة

17-02-2016, 09:33 PM

أحس بدايتك مثل بدايتي

أنا أول مرة أحس ان فيني شيء كان قبل سنة وعليها كم شهر ... كان وقت شتاء بدت الدنيا تظلم شوي شوي ودوار ونبض سريع ودوشه براسي

يمكن مرتين صرت اشوف الشيء اثنين واضطراب في الرؤية يكون لثواني معدودة

طبعا ما اذكر أو ما انتبهت هل كان معي اعراض خلال ذيك الفترة او لأ ... لكن من كم شهر جتني أعراض قوية جدا ... دوشه قويه صداع ولا هو صداع .. ما ينفع مسكنات نوم ما فيه نوم .. أرق غير طبيعي حسيت اني شوي وانجن لأني ما نمت .. ووقتها كنا بالصيف ولكن اطفي المكيف الظهر واحس بالبرد مع ان جسمي كله يصب مويه .. تركررت معي نوبات الهلع ... آلام في الظهر ووسوست بالكلى ... الراس كانه ينمل .. نغزات في الجسم وآلام غير مبررة في العظام لمدة ثانية وتختفي

ما صرت أنام والنور طافي .. مع اني كنت أنام بالبر لوحدي ماعندي مشاكل ... وسواس شغال على طول بالأعراض اللي أحس فيها .. ضيقة صدر .. آذاني أحسها مفتوحة على طول ولا أتحمل الأصوات العالية ولا النقاش العقيم .. وحتى السالفة اللي ما تعجبني يقفل صدري لما أحاول أجامل المتحدث .. مع اني قبل مستمع جيد

المهم ... نصحني شخص اني اخذ سيروكسات ... ما اخذته ... رحت مره المستشفى وصرف لي دواء نفسي ... ما صرفته من الصيدلية ولا أكلت العلاج اللي أعطاني وانا عنده

رحت لمعالجين شوي ويفجرون مخي .. واحد منهم حسيت ان الشد اللي كان ماسك ظهري كأنه فك على خفيف

لذلك رحت لمعالجة مشهورة في حفرالباطن .. صبخت على راسي ... كان المفروض استمر على الصبخة خمس أيام والسادس أفكها وأروح لها .. لكن بعد ثلاث أيام راحت كل الأعراض وفكيتها ولا عاد رحت لها .. وان شاء الله برجع لها .. لأن الأعراض رجع لي منها الوسواس على خفيف ورجعت لي النغزات في الجسم ولو مو بشكل مستمر ... بس اذا جلست لوحدي او قعدت افكر تجيني .. واذا انشغلت غالبا ما احس بشيء .. مشكلتي ماعندي عمل حاليا

انا أحيانا أفكر انها عين ... لكن سبق وقرأت عند رقاة واستخدم الماء والزيت بشكل طبيعي .. بالعكس أحب الماء المقري ... الله أعلم بس راح أرجع للعجوز اللي زرتها قبل بإذن الله

الله يشفيك يا محمد وإيانا ومرضى المسلمين أجمعين