نفساني - عرض مشاركة واحدة

18-02-2016, 01:36 AM

انا زمان معي اعراض لما بحث عنها لقيت انها اعراض الجرثومه لكن من كم شهر كنا مسافرين واكلت وجبة شاورما ولما صحيت الصباح بدى معي الالم اللي اول مره احس فيه وهو اللي صرت اروح المستشفى بسببه لين اخر شي قرر الدكتور منظار
لكن انا حالتي النفسيه بدت من 7سنوات والالم اللي بالمعده من كم شهر لكن من زمان اعاني من مشاكل بالجهاز الهظمي واتذكر في بداية حالتي قالوا ممكن مراره ورحت سويت اشعة تلفزيونيه على البطن كامل قالي الدكتور كل شي تمام عندك التهاب بسيط بالقولون ومايسبب هالحاله اللي تمرين فيها لكن ممكن نقص تغذيه بعد الولادة وصرف لي مكملات وماخليت تحليل ماسويته صورة دم عملتها خلال اسبوع 3مرات غير الغده ورنين مغناطيسي وتخطيط الدماغ وكل شي سليم واخر شي رحت لطبيبه النفسيه وانا كنت يأسه لكنها طمنتني وقالت يجيها حريم كثير نفس الحاله بعد الولادة وتشافوا واعطتني 3انواع من الادوية وفيتامينات والحق يقال من اول 3ايام بديت احس بتحسن وماكملت اسبوعين الا وانا نفسيتي توب رغم ان الاعراض مازالت باقيه مثل اختلال الانيه لكن خف الهلع والافكار المتزاحمه وصابني وسواس بالدين وتركت كل العبادات اللي اسويها ماعدا الصلاة وارتحت منه وبالتدريج اختفى اختلال الانيه لكن زاد عندي تبلد المشاعر يعني بالمختصر صلح شي وخرب شي لكن شي احسن من لا شي واستمريت على هالوضع 5سنوات والى كم شهر بدت نفسيتي تتعب واحس ببداية انتكاسه ومادري وش بيصير الله يستر
ادري اقرق كثير لكن وش اسوي ماصدق القى احد يسمع لي قبل شوي كلمت زوجي بخصوص المعالجه طلعه وخيرته بينها وبين سلامه الجهني وماعطاني علم عاد بشوف وش قرر