المشاركة الأصلية كتبت بواسطة عبدالله سلمان

اخوي اتمنى لو اني عندك أو أوصل عندك الكويت .. أول شيء من شان نجلس ونسولف ونفضفض .. والشيء الثاني نطلع انا وانت ونمر المستشفيات ... فيه ناس وانا اخوك الله يشفيهم ويعافيهم يروشه ويغسله وينظفه فلبيني .. ما يقدر يتحرك

وفيه اللي بالاسبوع مرتين يغسل كلى ومعاناة وعذاب بالغسيل ... مريض الكلى وده يروى من الماء ويشبع من الأكل بس ما يقدر ... ياخي حنا للحين عندنا من النعم لا تعد ولا تحصى .. أشكر الله على الموجود وأطلبه المفقود


حاول قد ما تقدر ... لا تيأس ولا تستسلم ... انا ذكرت لك خير البشر ومعاناته .. من انا وانت عنده ؟


لا تنظر للغير ... كل شخص يمر عليه مرض وتعب ... انت عارف النتائج بالنهاية لما نغادر هالدنيا ؟؟
لاتجزع وتختار الطريق الخطأ .. واحسن الظن بالله مثل ما قالت ام سما .. وانه بياجرك ويشافيك ... وبيدخلك الجنه ... من رضى فله الرضى ومن سخط فله السخط ... تكفى وانا اخوك السخط ما يغير من الواقع إلا إنه يتعبك أكثر ويحزنك أكثر


والتفاؤل وحسن الظن بالله واليقين بانه في يوم بتتشافى وبتؤجر أجر عظيم .. راح يعطيك دافع ويخفف من اللي عليك


الناس اللي تقول هذا اللي الله قدره عليهم ... بعضهم يشكر وبعضهم يكفر بالنعمه .... وأنت قدر الله هذا المرض فهل تصبر ةتحمد الله على كل حال ؟؟ أو تتسخط بدون أي فائدة ؟؟


ما تبي لها تفكير ... أكيد مالنا إلا الصبر ... والحمد لله إن وضعنا أهون بكثير من بعض المرضى بأمراض أسوء


طع شوري وقم أطلب الله ... أكرب على الشيطان كرب .. والله انه قاعد يوسوس لك ويحزنك ... لا تعطيه المجال