نفساني - عرض مشاركة واحدة

20-02-2016, 02:46 PM

اخوي محمد ،، انت تعرفني زين ودايم اقول الشي الواضح البين من غير لف ولا دوران بغض النظر احد اعجبه الكلام او لا

شوف اخوي احنا دايم نتكلم من غير تبيان ولا اي شي وانا اقول احنا اقصد ك مجتمع بشكل عام يستثنى من يستثنى ويشمل من يشمل

نتفاخر دائما بالعقول ونقول ان الله اعطانا العقل لنتفكر ونتبين ،، ودائما نحاجج الناس بالعقل الا في المسائل هذي عقولنا تغيب فجأه ونصير لا عقلانيين ابد وكأن الي كنا نتفاخر فيه فجأه اختفى ونقول لا هو كذا هذا كذا تحصيل حاصل وخلاص

بفند الامور الان الي لابسه الامر علينا ومنها اختبار قوة الايمان والي هي مالها دخل بالمرض واذا جاء احد استدل بمرض ايوب عليه السلام ف هذا باطل نظرا لان هنالك حكمه في بلاء الانبياء جميعا وفيه كلام كثير عن هذا.

الله سبحانه وتعالى قال ان بلائنا بخلقه الموت والحياه عشان يشوف من فينا احسن عمل.

اما اختبارات الايمان وغيره انا ما رأيت نص ديني عليه ان الله يمرضنا لاختبار الدين وما شابه واعرف ان الانسان يضعف اما شيئين النزوه والشهوه،، وهذا انت تبتعد عنه. وقعت عيني فقط على اختبار ايمان المبتدعين المسيحيين انه يعيش ممتنع عن كل شئ و تحيا المرأة بتول وهكذا ويرسخون حياتهم لخدمة الكنيسه ويعتبرون كل هذا اختبار ايمان.

الكلام بالتداوي بديننا كثير ،، ف يعني التداوي مباح وبالعكس في نقطه مهمه وهي لو ان المرض لا يمنعك عن عباداتك ف اصبر ،، ولكن ان منعك عن عباداتك ف هنا مشكله ... خصوصا ان العلاجات متوفره ومرض الشخص يمنعه يقوم بالعباده ف هنا تسائل.

طبعا الكلام الي فوق كلام عام مو موجه لك بس انا اكتب بشكل موسع لا اكثر ،، انت مبتلى بمرض وتحاول علاجه بما يتوفر لك من طرق العلاجات المختلفه ف انت قاعد تسوي الي عليك

هل تجازى على مرضك،، بالطبع انت مبتلى وتجازى عليه ..... هل هذا اختبار او شئ من هذا القبيل .... لا طبعا، هذه حياة الانسان الطبيعيه ،، يمرض ، يشفى ، يتكسر ، يتجبر وهكذا لين يموت

عسى يا رب ما تشوف شر يا محمد وربي يشفيك