نفساني - عرض مشاركة واحدة

23-02-2016, 10:02 PM

يا رجل إيش سويت كلنا أخوان هنا .. فلا تحاتي ..

طيب الحمد لله بما إنك هديت شوي هالحين ..
أنا و إسمحي لي بطلب صغنون مرررره ..

لا تأخذ تقاعد طبي ..و لا حتى تفكر فيه ..
أدري إن الالشغل يسبب لك ضغوطات نفسية ..و أدري انو بمجرد انو قولة بكرا عندي دوام .. تنهم ..

و أتفهم رغبة بالخلاص من كل شيء ..
بس صدقني و الله راح تندم .. و راح يسوء حالك أكثر ..
شوفي اخوي عبدالله إيش كتب لك .. و كيف هي تجربته ..

و الله إذا تركت شغل بتعيش فعلا ذليل و الله بيجيك وقت تشحذ فلوس دخانك ..
بالله متصور وضعك يكون كذا .. فوق مرضك .. عوز و حاجة و أنت شفت كيف ردة فعل أخوك ..
يعني تخيل فوق النار الي فيك .. راح تجيك برااااكين مو بس نار ..

رجاء يا محمد .. رجاء لا تترك وظيفتك .. لا تقاعد و لا أي حاجة ..
حاسه بالي فيك ..
و الله كانت تجيني أوقات أكون قاب قوسين أو أدنى من الموت ..
لكن تمر العاصفة و ترجع تهدأ الأمور و يربط الله على قلبك بطريقة حتى أنت ما تدركها ..

الفراغ عذااااااااب للمريض .. عذااااااااااب ..
يزيد الواحد مرضه بالفراغ ..

فالله يخليك للميمتك .. بطل فكرة التقاعد ..
و دور لك حل وسط .. يرضي وضعك و يرضي الوظيفة ..

لا تزعل الوالدة عليك أكثر ..
ترا الامهات يتضايقوا و ساعات ما يبنوا ..
الله يسهل عليك و يربط على قلبك ..
و يسخر لك و يسهل كل أمر عسر .. و يعوض صبرك خير ..

لا تنسى الله يخليك الصدقة .. تصدق على ناس محتاجة ..

استودعتك ربي ..