المشاركة الأصلية كتبت بواسطة ام سما

اول شي تبغى تطيب لازم تسامح من ابوك
ثاني شي كل اللي جالس تسويه من لفك بالبيت وتكلم نفسك هذا كله من الضغط النفسي تفرغه بهالطريقه اختي قبل كم سنه تعبت وزياده زوجها ماهو قليل شر زاد وضعها سوء وكانت تلف بالبيت وتكلم الجدران ومره تضحك ومره تبكي وتهرب من البيت حتى لو الفجر تطلع بدون عبايه واحيانا تلبس عباتها وتاخذ ولدها الكبير كان عمره 6سنوات تطلع تنام عند اي احد تقول تحس بضيقه ومره تلفضت على ابوي مع اننا بالحقيقه نهابه ومستحيل احد يتكلم معه بالكلام اللي قالته لابوي الله يسامحها وهو سامحها لانه عارف انها من الضغط اللي فيها
لكن جلست فتره عند اهلي وساعدوها باطفالها وارتاحت من رجلها وضربه لها وصارت تطلع زيارات وتهتم بنفسها واذا مره طفشانه جلست ترقص والحين الحمدلله طيبه وماخذت ولا حبة دوا وحده وارتاحت اكثر لما تطلقت لان زوجها اكثر شي كان مسبب لها ضغط
يعني ياخوي لا تهمل نفسك حبها ترى ماحد بيحبك ويهتم فيك اكثر من نفسك لان انت اللي حاس بالمعاناه ماحد بيحس فيك وزي ماقالت لك اخت نرجسيه حاول تبطل التدخين واستسمح من ابوك وحب راسه واطلب منه يدعي لك وحاول تصلي الصلاة باوقاتها حتى لو بالبيت لين تتحسن نفسيتك وكل ليله قبل تنام توضى واقرى بيقين سورة الفاتحه وانفث بيدك وامسح على جسمك ولاتخلي الشيطان يتحكم فيك ويوسوس لك ان عقلك فيه شي تراه الحين مبسوط وانت مسوين بنفسك كذا وانا متاكده انك انسان قوي عشان كذا الشيطان تسلط عليك لانه يحب يسيطر ويضعف الانسان
اتمنى نسمع منك اخبار طيبه وتبشرنا بتحسن حالتك يارب