المشاركة الأصلية كتبت بواسطة رعشني حضورك

ارحب تراحيب الغلا .. والكاذب جعله العمى
اخوي عالي .. ابشر والله بالفزعة وكل علم طيب .. والله ما اذخر عليك شيء اقدر اسويه
ودامك زهمت علي ونخيتني ابشر والله برعشني يجيك من اقصاه ولا له فضل ع خويه .

سامحني ع التقصير .. والله ي صبي بلقرن انك ع بالي كل مانزلت الشرقية .. وآخرها قبل يومين كنت
بالدمام ومريت معارض السيارات لي منها لزوم وتذكرت مكان لقائنا بالمحطة ههههه
لكن ابشر بنزل لك الشرقية واستاذن من اخوك الكبير واستلمك رسمي .. ونطلع ع الرياض عند واحد عمره
90 سنة .. هذا الرجل عجيب .. لا يأكل الربا ولا يتعامل مع البنوك ابدا وقد بارك الله في دينه وصحته وابنائه
لدرجة انه لا يزال يقود السيارة بنفسه ي عالي .. والنظارة يرتديها وقت القراءة فقط .
وحتى اسنانه لم يفقد منها سنا واحدا ولم تسقط .. والشاهد من كل ذلك هو ان هذا الشيخ رقيته فيها بركة وتوفيق
وقد جعل الله له يدا موفقة في الشفاء من الامراض الروحية .
ادري تبي تقولي وش دخلني في الرقية ولكني سأقول لك ابشر بالمستشفى اللي تبي بس دعنا ازلا نزور هذا الشيخ المبارك ولا ازكيه ع الله .
انا حاليا مرتبط مع ابوي في مراجعات وكذا ..وعقب كم يوم اودع ابوي بالطائرة واتفرغ لك بحول الله
يا اجيك او تجيني بسيط الامر .. البدراني نبيه معنا ضروري .. انا متحمس اوديكم للشيخ والله انتو بالذات حتى انا بعد منسم لايغركم ونبي نشوف وضعنا مع بعض
ع فكرة قبل انسى .. الشيخ لا يبتغي درهما ولا دينارا من قراءته علينا .. ابدا وطاري الفلوس يغضبه جدا وليس لديه ادوية للبيع
وانما يدا مباركة تمسح علينا ونغادر ،،،