|
وسواس لدرجة التفكير بذبح عمري
انا سبق وشكوت وتعبت من التفكير والهم والضيقه
ودي احط لي فرشه بالمستشفى واجلس عند الباب عشان كل ماحسيت بالم ادخل عندهم
......
ي جماعة لي فتره موسوسه وخايفه من سرطان الله يكفينا شره ويحرمه عن اجسادنا
لي موضوعين سابقين واليوم هذا الثالث
...
دايما افكر بالالم اللي في صدري كل الم احس فيه اقول هذا سرطان واخاف انتشر
دايما منعزله وابكي وضيقه وهم والشيطاااان مصرر يقنعني ان اللي فيني سرطان
24 ساعه يخليني افحص عمري كل ماشفت نفسي بالمرايه ع طوول فحص يمكن يومي كله اقضيه بالفحص
لين جا يوم قلت لابوي يوديني المستشفى طبعا اكثر من مره رحت
المهم اني رحت وقلت للدكتوره وفصحتني بيدها وقالت ياحبيبتي انتي ماعندك مشاكل بالصدر كل اللي فيك عضلات ماثره عليك
طلعت منها مرتاحه . .... بس بعد مرور يومين ويجيني تفكير ان الدكتوره كلامها موصحيح شلون عرفت ان مافيني شي ووووو وتساؤلات وتفكير لين رجعت لي حالة الضيقه والهم والتفكير بالمرض وانه اكيد انتشر فيني واني بموت خلاص ماراح يقدرون يعالجوني كل ماشلت الفكره من راسي رجعها لي الوسواس
تعبت تعبت تعبت من التفكير شاب راسي كل همي صدري والتفكير فيه وبالمرض وخوفي منه
لو اقول لابوي ودني المستشفئ ماراح يوديني بعد ماقالت له الدكتوره مافيها الا العافيه سليمه ودايما يقولي توسوسين اتركي عنك الوسواس
والله صدري ضايق لاليلي ليل ولا نهاري نهار
وش اسوي ابي شي يقنعني ان مافيني شي والله الوسواس دمر حياتي دمرني عايشه بس بدون عقل تفكيري صار مرض بس والله
يارب تشفيني من اللي انا فيه وتشفي كل مريض
يارب اخرجني من هالحاله
لا اله الا انت سبحانك اني كنت من الظالمين
|