عبدالله سلمان

بيانات اضافيه [ + ]

رقم العضوية : 52674  تاريخ التسجيل :  01 2016  أخر زيارة : 13-06-2021 (08:19 PM)  المشاركات : 1,242 [ + ]  التقييم :  14  الدولهـ  الجنس ~

لوني المفضل : Blue

السلام عليكم ورحمة الله وبركاته


أول شيء لا تدخلين قوقل أبدا

ثاني شيء .. إنتبهي تدخلين قوقل


يا أختي شوفي التجارب هنا وطبقيها ... طبقيها .. قدر المستطاع طبقيها


أدري انك مريضه بالوسواس وهالشيء مو اختياري .... وهالشيء غصب انك تتفحصين جسمك والاعراض


بس بدون محاولة واصرار على نظام جديد ما راح تتطورين


أولا ... روحي طبيبة ثانية .. مو لأن فيك شيء .. بس من شان يخف الوسواس وتنطلقين من جديد


ثانيا .. وقتك اشغليه ... حطي عندك إلتزامات لابد تسوينها في البيت .... حتى والوسواس شغال طبقيها
يعني حتى لو عندكم شغاله بالبيت حطي في بالك ان وجبة الغداء او العشاء تكونين في المطبخ ... الصحون وغسيلها ... رتبي غرفتك كل يوم ... حطي في بالك نص ساعه أقل شيء من المشي يوميا

قهوة شاي وغيرها من المنبهات انسي موضوعها .... خليك في النعناع والبابونج والينسون والزهورات ... الخ


اذا عندك مشاكل بالمعده انتفاخ وغازات .. اضبطي اكلك

شغلي التلفزيون على القنوات الوثائقية عن النباتات والحيوانات

اجلسي تحت الشمس يوميا وراقبي الطيور والغيوم .. مو بين أربع حيطان ودون حركة وكل المجهود الذهني منصب على المرض

اذا فيه امكانية تزرعين أي شي لو حتى طماطم ... ازرعي كذا نبته واهتمي فيهم


الوسواس راح يتلاشى يوم بعد يوم بعد يوم



وبالنهاية أقول لك ... لا تدخلين قوقل ... وربي يوفقك ان شاء الله ويطمن قلبك