نفساني - عرض مشاركة واحدة

09-03-2016, 02:00 AM

اقتباس:

المشاركة الأصلية كتبت بواسطة رحماك يا الله

ياخوي حاولت وتجاهلت لاكن دون
فايده فكرة المرض والسواس مسيطره على تفكيري
لدرجة اني افضل الموت ولا اعيش بقلق ووسواس
وصلت مرحلة معاد اتحمل شي

ما فيه أحد يا أختي تكلم عن التجاهل ... اصلا انتي مريضة بالوسواس يعني السالفة مو اختياري تتجاهلينه او تفكرين فيه .. هذا شيء غصب عنك

أنتي الوسواس مسيطر عليك ... ولكن انتي بعد مسيطرة عليه

أنا أقول لك زوري طبيبة ثانية ... وثالثة بعد لو حبيتي ... فهمتي ليش أقول لك هالشيء ؟؟ بشرح لك بشكل مفصل ولكن أرجوك ركزي

أنتي تفحصتي نفسك خمسين ستين مره بالبيت ودخلتي قوقل وصار عندك شبه يقين انك مريضة ... خلينا نقول مثلا كانت عندك النسبة 99% انك مريضة

لما فحصتك الطبيبة وقالت لك سليمة .. بالتأكيد ارتحتي شوي ولو لعدة ساعات حتى رجعتي توسوسين وتقولين " طيب يمكن الدكتورة غلطانة " طبعا الوسواس كل ما كنتي فاضية كل مارجع لك بشكل أسرع

ولكن الأكيد مع انه رجع لك ... مستحيل يكون بنفس النسبة الأولى ... ولو مره مره انتي وسوستي بقوة نسبة الووسواس عندك بالمرض تكون 90%

ولو رتبتي لك جدول بالاشياء اللي ذكرتها لك والتزمتي فيها " مو مشكلة تسوينها وانتي توسوسين " ومن ثم زرتي طبيبة ثانية ... وقالت لك انتي سليمة ... مستحيل النسبة تكون مثل المرة الاولى
ونفس الكلام ينطبق على الزيارة الثالثة لطبيبة غيرهم

الوسواس ما يختفي فجأة ... يوم عن يوم راح ينقص وانتي ما تلاحظين ... والتجاهل عمره ما راح يجيب نتيجة .. بالعكس الاهتمام بالاعراض وعرضها بسرعة على الطبيب يكسر شوكة الوسواس
هنا بالذات راح تبدين تتفهمين الوسواس ... وممكن يحاول الشيطان يوديك لمرض جديد وخوف من شيء جديد
ولكن في ذيك اللحظه تبدين تكسرين شوكته بشكل مبكر وتتجنبين الدخول في دوامة كبيرة تتعبك وتاكل من أيامك

أهم شيء يكون يومك حافل ولا تجلسين لوحدك تفكرين

كلامي واضح أو أوضح أكثر ؟