نفساني - عرض مشاركة واحدة

17-03-2016, 08:51 AM

يا نن عين نرجسية،،، سمي امري بس،ايه يا نظر عيني تشافيت الحمد لله فديتج،،شلون عاد والله ما ادري يمكن ميريكل معجزة على قولة الدكتور يوم تفشل،، اجل اقوله العلاج طيح شعري يقول لو تصيرين صلعا تاخذينه،،، شوفي يا قلبي انا مرضي من ضغوط رهيبه هي مو رهيبه انا الي رهيبه كنت مره حساسه واحب رد الجمايل والعلوم الغانمه للاسف نكران الجميل والدهشة كانت اكبر من ان عقلي يستوعب،،، الاستنزاف العاطفي والمادي ارهقني بعدها مرضت ودخلت مصحة ما تخيلت ان اقرب الناس ممكن ياذونك ويستغلون طيبتك،، انهرت عصبيا،،، الدكاتره شخصوني اشي قال انفصام يعني جنون الله يخلف عليكم عسى عندكم غيرها،،، والي قال ثنائي القطب،، قطب الله اذانهم،،، انا كنت بعالم اخر شوي اقرا قران شوي اغني لابو نوره شوي فرنسي جوتا جوتيمو،، على اي حال نمت قمت طبيعية بعد اسبوعين فصله،، اشوف نفسي في المرايه،،، يالهوي مين دي؟ الطريف اني كنت اضرب اي احد يقول خوذي ادوية فكنت انضرب واتربط علشان الابر بالحسره ارضى،،، لاحظي وانا مو بوعيي عقلي الباطن رافض العلاج،،، طلعت قررت اوقف على رجولي من جديد احم احم صار خير ههههه غيرت شخصيتي العبيطه الطيبه عفوا بس للحين احن لها وقررت اركب الامواج،،، اما يهزمني المرض او اهزمه،،، بعد هذا الي ناقص اخذ ادوية نفسية علشان ناس ما تسوي صرماية قديمه تحديت نفسي تو بي اور نوت تو بي،،، جلست اربع سنوات اعاني ما بين مطرقة الاكتئاب وسندان الارق،،، انام ساعتين بس،، كنت اروح الطوارئ في الويكند اخذ فاليوم علشان انام واحس اني بويكند،،، كنت اتحسر على النوم الي يساوي كنوز الارض وما انتبهت لها النعمه،،، وجالسة افكر بهذي ليه قالت لي كذا وهذا عطيته عانيه وجحدني لحد ما انهرت عندها بس ادركت ان النوم نعمة لا تضاهيه نعمة،، بس كيف ارجعه!؟ لاحظي اني كنت ما افكر ولا عندي مشاكل ابدا مع ذلك ما يجي النوم،،، كنت اطلع اخذ الابره وانا ابكي على النوم بس لانه هاجسي الوحيد الحين، كل شي يتعوض،، الناس،،،الفلوس.،، بس النوم من الله ،، تدرين كان السواق يشفق علي يقول مدام روحي مكه ممكن يرتاح هناك،،،بديت امشي علشان اخسس كم كيلو العلاج،،، صرت انام ساعة زياده شوي شوي ساعتين،،،كانوا عيالي يقولون ماما ليه وانتي نايمه مبتسمه،،، قلت لاني احلم فيكم،،،ههههههه تخيلي نومي ما يتعدى مرحلة الريم،،، بداية النوم الي تشوفين وتحسين بالي حولك بس بحد ذاتها تفرحني،،، تدرين حسيت بغصة وانا اتذكر،،، الحين رجعت انام طبيعي الحمد لله دييييب سلييييب،،، راح الاكتئاب،،، كنت اقول للدكتور طيب راح الفصام مدري الذهان،، بس فيه حاجه كانت براسي مو موجوده الحين،،، شي تشريه بكل ما عندك،،، قال هذي اسمها راحة البال 💜ما كنت ادري ان فيني اكتئاب. كنت احس كذا يطلع الواحد بعد المرض تاقلمت مع الاكتئاب دخيلك يا ربي ارحم مليون مره من الذهان. تدريجيا بديت ارجع للقران مع الرياضة والحمدلله الحين افضل من قبل المرض بكثير،،، صحيح ان بعض الابتلاءات كرامات،،، شكرا لله اولا ثم للمرض الذي غير حياتي للافضل،،، دمتم بصحة وراحة بال جميعا