نفساني - عرض مشاركة واحدة

17-03-2016, 04:28 PM

اقتباس:

المشاركة الأصلية كتبت بواسطة عبدالله سلمان

ماشاء الله تبارك الله ... الله يتمم عليك دوم راحة البال

كان لي موضوع في المنتدى عن علاقة الشخصية بالأمراض النفسية .... أغلب اللي يصيبهم الإكتئاب أساسا ً طيبين في مجتمع مادي وأناني مافيه كلمة شكراً ولا رد الجميل ... بالعكس إستنزاف عاطفي وإستنزاف مادي وأول ما يطيح الشخص انفضّوا من حوله

أكثر شيء خلاني أرد والله هو سالفة النوم .... فعلا والله إن النوم نعمة عايشين سنين طويلة ما نعرف قيمتها .... قبل نواصل من الوناسة ومتى ما نبي ننام ننام .... والحين أول ما أحس بالنعاس دايركت الفراش أخاف من الأرق

مرت أيام ما يجيني فيها النوم .. أعد نومي بالدقايق أنام وأنا جالس على الكنبة لاني صاحي ولا نايم .. 1 و 27 دقيقة ومستااااانس كأني مبشر بولد ومعه مليون وبيت وسيارة هههههههه
الوناسه لأني كنت أخاف يطق مخّي من قلة النوم

بصراحة هو عيب عندنا بالشخصية لما الشخص يجحد نفسه وينفض اللي قدامه ووراه من شان الناس ويتغاضى عن النصب والإحتيال وحقوقه وعرق جبينه بس من شان الدنيا تمشى بسلام والفلوس مش كل حاقه
هو صحيح طز بالفلوس .. ولكن المعاناة والصدمات اللي من ورى التفريط بالحقوق والطيبة الزايدة وحب المساعدة هي اللي تهدنا هد عند أول خذلان من أحد نحبه نكتشف حقيقته

الآن خلاص .... تعطيني من وقتك 10 دقايق .. أنا أكرم منك وأعطيك 11 دقيقه فقط .. ماهو أجي كلي لك .. معصي

تعينني ب 500 لا أعينك ب 600 ولا عندي لك سلف وعطايا غيرها

ذبايح وبطيخ وشو .. مفيش .. المساكين أولى

ما أبي أعطي أحد ولا أنتظر من أحد شيء .. كذا الجميع مبسوط وسعيد بدون توقعات وضغوط

مع إني أحيانا أنسى وأتحمس في مواقف كثيرة ... بس خلاص شكلي بحط مذكرة يومية تنبهني

ومثل ما قلتي ... اللي يصكه إكتئاب لا ينتظر من أحد شيء لا مساعدة ولا إحتواء ولا رفع معنويات ولا رد حقوق ... يتكل على الله ويشتغل على نفسه بنفسه .. إبن آدم عنده طاقة جبارة يتكيف مع كافة الظروف .. لذلك نلقى ناس تعيش بدرجة حرارة خمسين تحت الصفر ويلعبون بالثلج وناس تشرب شاهي الظهر بعد الكبسه ودرجة الحرارة خمسين ويقولون اليوم براد أشوى من أمس هههههههه

والله الحلطمة والحزن وإنتظار الناس تتعدل هي اللي تاكل أيام ابن آدم ويعيش في دوامة وسنين تمر بسرعة وهو ينتظر الناس تتعدل ويعيش في المدينة الفاضلة .... هذا مجتمع شرس ومادي وناس تحب أنفسها إلا من رحم الله ... لو إنك شايلهم بعيونك سنين لو يصير فيك شيء كبّروا المخدة وناموا وأطلق شنب فيهم يسأل عنك بعد أسبوع وأسبوعين مرة

مجتمع التناقضات الي تجيب الانفصام مدري الفصام الله يزيدنا به جهل،، وين الحشو الديني والمثاليات والمسلم للمسلم كالبنيان والله لن يؤمن احدكم حتى يحب لاخيه ما يحب لنفسه، كان الله في عون العبد ما دام العبد في عون اخيه، تعس عبد الدرهم، ومن يوق شح نفسه فاولئك هم المفلحون،، لا اخفيك تربيتي دينية بحته وفكرة وجود نار بحد ذاتها ترعبني والله لم اسع للجنه بقدر خوفي من النار،، ما علينا احنا مجتمع مسلم مفترض صح؟ والا الاسلام بتغطي يا مره ولا تسوقين يا مره،،، !!!!!! الي بيناقشني يسلفني اول والا يسكت ههههههه شبعنا مثاليات بلاش كلام ع الفاضي صدق من قال العرب ظاهرة صوتية