المشاركة الأصلية كتبت بواسطة عبدالله سلمان

الدين ممنوع والعتب مرفوع والرزق على الله ههههههههه



لا لا كلام سليم .... حنا تربينا على اللي المفروض يصير .. فطرة ابن آدم فيه الرحمة وفيه مشاعر وفيه إكرام من يكرمك ورد المعروف لأهله ... والرسول عليه الصلاة والسلام قال إنما بعثت لأتمم مكارم الأخلاق ... يعن الأخلاق موجودة وفطرة فينا والدين يثنّي على هالشيء ويعززه ... لذلك شوفي الطفل يحب اللي يعطف عليه ويضمه ويشتري له هدايا ويبتسم له .. مو بس يحبه إلا تلقين الطفل يعطيه عصيره ويعطيه من البطاطس حقه ههههه .. هذي الفطرة


لكن الناس تفرق عن بعض كل ما تكبر شوي شوي تتكون شخصياتها .. الجينات لها دور وكذلك التربية ومستوى التفكير ... الله مقسم هالشيء بين الناس


أما الحشو الديني عند كثيرين هذا موجود من زمان ... يطلع من المسجد ومسواكه بيده ويستلم خلق الله قصب هذا طويل وهذا قصير .. وفي النهاية بخيل وعنده غيبه خرافية ولاعن أبو جدف عياله .. وتعالي شوفي التوبيكات والرسائل بالواتس وتويتر ... هنا تلقين الإنفصام الحقيقي ههههههههههه


تربيتك اللي حثتك على صنع المعروف والطيبة والإهتمام وحسن النيّة ونعم فيها .... لكن والله ضريبتها في وقتنا هذا كبيرة .. لو على زمن أبوي وجدي ممكن .. لكن الوقت هذا معليش اسمحي لي .. معاناة .. مع إن الجينات لها دور بعد مو مسألة تربية بس


والله يا بنت الحلال ضاق صدري بسبب رسالة ارسلها لي مدرس مع ولدي بأول إبتدائي هههههههه
كاتب لي ونعم التربية وجزاك الله خير ... ولدك أعطى فسحته لطالب يبكي ناسي ما اخذ فسحته ... طبعا ضاق صدري لأني أخاف يعاني البزر في المستقبل هههههههههه


تصدقين إحترت مدري أمدحه وأكافئه ولا أقعد أحشي راسه من تجاربي هههههه


وما ألومك تكرهين المجتمع بسبب ماصار .. الدعوة ماهي عريبيا بس الدعوة عند العالم كله .... يمكن الدول الفقيرة جدا تحصلين الشيء هذا أقل من غيرها من الدول ... ولكن صدقيني ظاهرة عالمية
لو تروحين لدولة أفريقية فقيرة بتحصلين التقدير والمجتمع المتكاتف .. طبعا إذا ما دخلها الرد نك وخربها عليك هههههه